Masalimo 24:5 - IBAYIBOLO 2024

⁵ Akwiza pakupokela ulusayo ulwa Mwene sona u Chala Umupoki wache weyuyo akwiza pakunena ukuti ate ninongwa.

Masalimo 24:5 Iomraidhean Croise

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 68:19

U Mwene u Chala Umupoki witu apaliwanje, yuyo akunyamula intamyo isiku ni siku.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 88:1

Wee Mwene, u Chala yuyo akumpoka, nkulila umusanya nu busiku.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 51:8

Pakuti impezu zikwiza pakubadobolannya ngati po menda, uluswa lukwiza pakubanangannya ngati po meya. Loli ubugholosu bwane bukwiza pakubangako bwila na bwila, ubupoki bwane bukwiza pakwendelela inkulilo ni nkulilo.

Yesaya 54:17

Chitakwiza pakubapo ichilwilo ichakubavulazya, ukwiza pakubapota bosi babo bakususannya nawe. Chinichi mpyana iya babombi aba Mwene, sona nkwiza pakubapa ubupoti.” Momumo u Mwene akunenela.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Aba Loma 3:22

U Chala akubanena abantu pakuba bagholosu pamaso papache ukwendela mu lwitiko lwabo mwa Yesu Kilisitu. U Chala akubabomba zinizi abantu bosi babo bakumusubila u Kilisitu, pachifukwa ichakuti patalipo ukulekana nakumokumo,

1 Aba Kolinti 1:30

U Chala weyuyo abamamatizya poka nu Kilisitu u Yesu, sona akamupima pakuba mahala ghitu. Ukwendela mumwache, twaneniwa pakuba bantu bagholosu pamaso pa Chala. Aswe twaba bantu abazelu aba Chala, sona twapokiwa.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Galatiya 3:14

Akatwabula aswe ukuti ulusayo lulo lukapeghiwa kwa Abulahamu lungiza pabantu babo bate ba Yuda ukwendela mwa Kilisitu u Yesu, umwakuti ukwendela mu lwitiko tungapokela u Muzimu Umuzelu yuyo akalayiziwa nu Chala.

Aba Galatiya 3:9

Po abantu babo basubila, basayiliwa poka nu Abulahamu, yuyo muntu uwa lwitiko.

Aba Galatiya 5:5

Pakuti aswe tuli nu lusubilo ulwakuti u Chala adumula ukuti tute ninongwa nayimoyimo, sona ichi cho chicho tukulindilila na maka agha Muzimu Umuzelu ukwendela mu lwitiko lwitu.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Aba Filipi 3:9

sona chicho nkulonda chakuti imamatilane poka nawe. Intanginena pakuba mugholosu pa nemwene pakuzikonka Indaghilo, loli pakusubila mwa Yesu Kilisitu. Ubugholosu ubwakufuma kwa Chala bwimite palwitiko.

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.