Masalimo 24:2 - IBAYIBOLO 2024

² Pakuti akachizenga panyanja sona akachikazya pamwanya pamizi.

Masalimo 24:2 Iomraidhean Croise

Ubwandilo 8:22

Akabalilo kosi kako ichisu ichapasi chichili chilipo, kukwiza pakuba kabalilo akakubyalila na kakwinulila. Pakwiza pakuba ubukatazu nu butukizu, ichisanya nu lupepo, sona umusanya nu busiku bwila na bwila.”

Yobu 38:4

“Nkimba ukaba ko kwiyi bo nkwala ulwalo ulwachisu ichapasi? Mbuzye nanti uzimenye.

Masalimo 136:6

Akachikuzulila ichisu ichapasi pamizi. Ulughano lwache lwa bwila na bwila.

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Masalimo 89:12

Ukapela ichisu icha kumitu nicha kuntende, amaghamba agha Taboli nilya Helimoni ghakusekela nukulipala itabwa lyako.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 95:4

Ubwibizu ubwa chisu ichapasi buli munyobe zyache, sona zyope isonga izya maghamba amatali nkani zyache.

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.