Masalimo 24:1 - IBAYIBOLO 2024

¹ Ichisu ichapasi ni vintu vivyo vili mumo vya Mwene, ichisu chosi ichapasi poka na bantu babo bakwikala mulamula.

Masalimo 24:1 Iomraidhean Croise

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

1 Imbili 29:16

Wee Mwene Chala witu, ni vibombelo bulo vivyo twabika ukuti tuzengele Inyumba yakulichindikilamo itabwa lyako izelu vikufuma kukwako, sona vyako.

2 Imbili 25:9

U Amaziya akamulalusya umulaghuzi yula akati, “Nkimba imbombe choni na makilogalamu 100 agha ghagho nabalipila abasilikali aba Izilayeli?” Umulaghuzi yula akamwamula akati, “U Mwene angakunyosezya ivintu ivyinji nkani ukuchila vinivi.”

Yobu 34:13

Nkimba wewenu yuyo akamusala ukuti alaghilaye pachisu ichapasi? Nkimba wewenu yuyo akamubika pakuba we kapitawa, ukuti enelezyanje pachisu chosi ichapasi?

Yobu 41:11

Wenu yuyo angalwana nayo nukuyipota? Ivintu vyosi pachisu ichapasi vyane.

Yobu 41:3

Nkimba ungayilaba ukuti yikupelele ichisa? Nkimba anganena amazyu amiza?

Masalimo 50:10

Pakuti ivinyamana vyosi ivya mumusitu vyane, sona ni ng'ombe zizyo zili mumaghamba aminji nkani zyane.

Masalimo 50:12

Nanti nkabanga nizala ngali intakakubuzya, pakuti ichisu ichapasi chane, poka na vivyo vili mulamula.

Masalimo 89:11

Kumwanya kwako sona chope ichisu ichapasi chako. Ukachipela ichisu ichapasi poka na vyosi vivyo vili mumo.

Masalimo 89:12

Ukapela ichisu icha kumitu nicha kuntende, amaghamba agha Taboli nilya Helimoni ghakusekela nukulipala itabwa lyako.

Masalimo 98:7

Inyanja yipomaye, poka na vyosi vivyo vili mumo, sona ichisu ichapasi, poka na bosi babo bakwikalamo.

Ukufuma 19:5

Nanti ilelo mukunyivwila nukusunga ulufingo lwane, kokuti mukwiza pakuba mwe bantu abane na bane pakasi pa inko zyosi. Pakuti ichisu chosi ichapasi chane.

Ukufuma 9:29

U Mozesi akamwamula akati, “Bo nepamo bulo mukaya akakulu nkani aka, nkwiza pakugholosezya inyobe zyane mumwanya nukwiputa kwa Mwene. Panapo na panapo ukupaya ni vula iya mabwe vikwiza pakuleka, umwakuti umanye ukuti ichisu chosi ichapasi cho cha Mwene.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

1 Aba Kolinti 10:26

Pakuti Amasimbo ghakuti, “Ichisu ichapasi, ni vintu vivyo vili mumo vya Mwene.”

Ukukumbusya Amalamulo 10:14

Kumwanya na vyosi vivyo vili kuko sona ni chisu ichapasi na vyosi vivyo vili mumo, vya Mwene u Chala winyu.