Masalimo 22:6 - IBAYIBOLO 2024

⁶ Loli ane ne somi bulo, te ne muntu, abantu bakuntuka nukunsamula.

Masalimo 22:6 Iomraidhean Croise

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Yobu 25:6

“Po zingaba bulibuli nu muntu, yuyo ayanite ni somi, zingaba bulibuli nu mwana uwa muntu yuyo kabunguzi bulo!”

Masalimo 25:3

Umuntu yuyo akusubiye atakwiza pakukoziwa isoni nalumo, loli ubakozyanje isoni abantu abakusambuka.

Masalimo 31:1

Wee Mwene, awe we buzilo bwane ubwakuchimbililako. Utakitikizyanje nalumo ukuti nkoziwe isoni, unyavwe nukunvighilila pakuti we mugholosu.

Masalimo 31:11

Pachifukwa icha balwani bane bosi, ane naba ne chakusesya pakasi pa bapalamani bane. Ane naba ne chakoghofya pamaso pa bamanyani bane, sona nanti abantu banyagha mumisebo, bakunchimbila.

Masalimo 41:5

Abalwani bane batakundondela ubwiza, po bakuti, “Nkimba akwiza pakufwa liyi umwakuti itabwa lyache lizimilaye?”

Masalimo 88:8

Wabapela abamanyani bane ukuti banchimbile. Po wampela ane pakuba ne chintu ichakoghofya kubabo. Ane nighaliliwe umwakuti intakachimbile

Yesaya 41:14

“Wee somi, Yakobo utakanyilaye, mwe bantu aba mu Izilayeli mutakanyilaye! Nkwiza pakubavwa, ane ne Mutabuli sona u Muzelu uwa Izilayeli.

Yesaya 49:7

U Mwene Umutabuli Umuzelu uwa Izilayeli, akumubuzya yuyo asuliwe nukukaniwa ninko, sona mubombi uwa balaghili akuti, “Abamwene bakwiza pakukwennya nukwimilila, amakambala ghakwiza pakukwennya nukufughamila, pachifukwa ichakuti u Mwene yuyo musubiliwa, Umuzelu uwa Izilayeli weyuyo akakusala.”

Yesaya 53:3

Akasamuliwa nukukaniwa na bantu, umuntu uwa chitima, sona nu wakwizubizannya na mayimba. Akaba ngati yuyo muntu bamuvwinka kumaso, akasamuliwa sona tutakamuchindika.

Nkuto 3:30

Muleke amupanje ulusaya umuntu yuyo angamukoma, umwakuti akoziwanje isoni.

Matayi 11:19

U Mwana uwa Muntu akiza, akalya nukung'wela, po abantu bakati, ‘Ennya, umuntu umupafu nu ching'wela uyu, sona umumanyani uwa basonkezya umusonko na bantu abambibi!’ Loli amahala agha Chala ghakulanjiziwa ukuti ghanaloli ni mbombo zyache.”

Matayi 12:24

Loli bo aba Falisayi bivwa zinizi, bakamula bakati, “Amaka ghabo aghakwefesezya imizimu imibibi ghate gha muntu yumo, loli gha Belezebuli usongo uwa mizimu imibibi.”

Yohani 7:15

Abalaghili aba Chiyuda bakaswigha nkani nukuti, “Nkimba umuntu yunuyu akuvimanya bulibuli ivintu vyosi vinivi pakuti umwene ate mumanyi?”

Yohani 7:20

Po ichilundilo chikamula chikati, “Uli nu muzimu umubibi! Nkimba wewenu akulonda pakukughogha?”

Yohani 8:48

Aba Yuda bakamulalusya u Yesu bakati, “Nkimba tutakunena ubwanaloli bo tukuti we Musamaliya, sona nukuti uli nu muzimu umubibi?”

Aba Hebeli 13:12

Ichi cho chifukwa u Yesu wepe akafwila kuzi ukwa kaya akakulu nkani, umwakuti aswefye imbibi izya bantu ni banda ilyache ni lyache.

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.