Masalimo 22:15 - IBAYIBOLO 2024

¹⁵ Amaka ghane ghumiye ngati lwinga, lope ululimi lwane lukakatiye ku njegho zyane. Wandambalizizye mulufumbi ukuti infwilaye mulamula.

Masalimo 22:15 Iomraidhean Croise

Ubwandilo 18:27

U Abulahamu akanena sona akati, “Mwene, nalamba unhobokele pakunena nawe mubujivu bunubu, ane ne muntu bulo pamaso papako.

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

2 Samuweli 14:14

Naloli twebosi tubaghiye pakufwa, pakuti tuli ngati mizi ghagho ghakupukila pasi, po ghatanganyokela sona. U Chala atakwefya ubumi ubwa muntu, loli akupela izila iyakuti umuntu yuyo bakamuchimbizya anyokele sona.

Yobu 10:9

Kumbuka ukuti ukamata ni tope. Nkimba ilelo ukulonda pakunyosezya sona kulufumbi?

Yobu 19:20

Ane nasyala bulo umubili na mafupa napona ku mulomo uwa nkalamu.

Yobu 29:10

Abantu abamanyikwe bakasona imilomo, po wesi akaba ngati we chinunu.

Yobu 30:16

Po ilelo indi papipi pakufwa indi pantamyo sona ntakutuzya.

Yobu 34:15

po ivyabumi vyosi ngali vifuye poka nu muntu, po umuntu ngali anyokeye kwitope.

Yobu 7:21

Nkimba choni chicho utakuzimya ukunanga kwane nukuzihobokela imbibi zyane? Pakuti losi ulu nkwinjila mwipumpa, ukwiza pakundondelezya, loli utakwiza pakunyennya nalumo.”

Masalimo 104:29

Nanti ukuvipa inkonto, vikuba nubogha, nanti wafyula umuyi, vikufwa nukunyokela kwitope.

Masalimo 30:9

“Nanti nafwa, nukwinjila mwipumpa nkimba ningakabapo ichoni? Nkimba ulufumbi lungakupala? Nkimba lungafumusya nizya busubiliwa bwako?

Masalimo 38:10

Umoyo wane ghukukoma, amaka ghamalila, sona kope ukulama mu maso ghane kwamala.

Masalimo 69:21

Bakambikila akanyongo muchakulya, sona bo indi ni nyota bakampa uvinyo umusape.

Masalimo 69:3

Nadedebaye pachifukwa icha kulila, sona kusingo kope kumiye. Amaso ghane ghakwennya akafobela, bo nkulindilila u Chala wane.

Ivyili 17:22

Umoyo umusangalusu ghuli ngati gho mulembo, loli umoyo uwa chitima ghukupyola umuzimu.

Yesaya 53:12

Po nkwiza pakumupa ichigaba pakasi pabantu abapamwanya po akwiza pakugabana ivyakufyula na bantu abamaka, pakuti akatagha ubumi bwache nukubelengiwa poka na babomba imbibi. Akanyamula imbibi izya bantu abinji, sona akabiputila ababomba mbibi.

Nkuto 4:4

Pachifukwa icha nyota, ululimi ulwa mwana wache lulematiye ichikende. Abana babo bakulonda ivibama, loli atalipo nayumoyumo umuntu uwakubapa.

Daniyeli 12:2

Abantu abinji babo bakafwa kale sona bakasyiliwa bakwiza pakuzyuka. Abanji bakwiza bakwilaghagha ubumi ubwa bwila na bwila sona bamo bakwiza pakufundiwanga bwila na bwila.

Matayi 27:50

U Yesu akalila nizyu ilya pamwanya nukufuta akabumalilo.

Yohani 19:28

U Yesu akazimanya ukuti imbombo yiyo akizila yamala, sona ukuti Amasimbo ghakwanilisiwe akanena ukuti, “Numilwe.”

1 Aba Kolinti 15:3

Ane nkabapa amwe chicho nkapokela pakuba chintu ichapamwanya nkani. U Kilisitu akafwa pachifukwa icha mbibi zyitu, ukuyana na Masimbo.