Masalimo 22:10 - IBAYIBOLO 2024

¹⁰ Ukwanda po pakupapiwa kwane nkaba munyobe zyako, sona waba we Chala wane ukwanda papo umayi wane akampapilagha.

Masalimo 22:10 Iomraidhean Croise

Yesaya 49:1

Nteghelezya amwe mwe bantu mwe mukwikala mulubazu ulwa nyanja, namwe mwe bantu mwe mukwikala kubutali, ivwa zinizi! Bo inchili napakupapiwa, u Mwene akanyitizya pakuba ne mubombi wache. Bo inchili mulwanda akanyita itabwa lyane.

Yelemiya 1:5

“Bo inchili napakukupela mulwanda ulwa nyoko, nkaba nkumenye kale. Bo uchili pakupapiwa, nkakusala kale, nkakupaghula ukuti ubanje we mulaghuzi uwa inko.”

Luka 2:40

Umwana akakula, sona akaba na maka. Akizula na mahala nkani, sona nu lusayo ulwa Chala lukaba papache.

Luka 2:52

U Yesu akakula umubili na mumahala, sona u Chala na bantu bulo bakahoboka nkani nawe.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Aba Galatiya 1:15

Loli u Chala akampaghulila zila bo inchili na pakupapiwa bulo, nukunyitizya muchisa chache. Bo ahoboka nane,