Masalimo 21:9 - IBAYIBOLO 2024

⁹ Pakabalilo kako ukwiza pakubonekela, ukwiza pakubapela ngati cho chiliba icha moto. Mubukali bwache u Mwene akwiza pakubazimizya, sona umoto wache ghukwiza pakubalungulizya.

Masalimo 21:9 Iomraidhean Croise

Ubwandilo 19:28

Akennya utwaya utwa Sodomu nu Gomola ni kombe lyosi lila, nukwennya ilyosi ilyakoghofya likusuka mutwaya mula, lilyo likayana bulo ni lyosi ilyakusuka mumuvuno.

Ezila 6:12

U Chala yuyo akasalite akaya akakulu nkani aka Yelusalemu pakuba buzilo bwache ubwakumuchindikilamo, amwefye pabumwene u mwene pamo umuntu wesi yuyo akwandula ululaghilo ulu, pamo ukuyinangannya Inyumba iyi mu Yelusalemu. Ane ne Daliyasi nabika ilamulo linili. Po umuntu wesi iyulaye nkani pakulikonka.

Yobu 6:3

Naloli ngali ghachilite ubung'wama ubwa musesenga uwa mulubazu lwanyanja. Cho chifukwa amazyu ghane ghamwalwemwalwe.

Masalimo 106:17

Ichisu chikasama po chikamumila u Datani, po chikabasyila bosi abamunyumba iya Abilamu.

Masalimo 18:38

Nkabavulazya nkani umwakuti batakanyamuka sona, nkabakanyilila ni nyayo zyane.

Masalimo 18:8

Mumpuno zyache mukasukagha ilyosi, umoto uwakulungulizya ghukafumagha mumulomo wache, sona amazimwa aghakwaka ghakafumagha mumulomo wache mula.

Masalimo 2:12

Mumuchindikaye lumo angabakalalila nukubanangannya, pakuti ubukali bwache bukwaka lubilolubilo. Basayiwa bosi babo bakuchimbilila kukwache.

Masalimo 2:5

Po mubukalale bwache akubachemela, sona akuboghofya mubukali bwache.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Nkuto 2:2

Umwakusita ichisa u Mwene atuzimizya utwaya tosi utwa Yakobo, mubukalale bwache aghamongolannya amalinga ghosi agha Yuda. Abukozya isoni nukubwisya pasi, ubumwene bwache, poka na balaghili bache bosi.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Matayi 13:42

Bakwiza pakusumbiwa pamoto, mumo bakwiza pakulila nukusyeketula amino ghabo.

Matayi 13:50

nukubasumbila ababibi pamoto, mumo bakwiza pakulila nukusyeketula amino ghabo.”

Matayi 22:7

U mwene yula akakalala nkani, po akatuma abasilikali bache ababwite pakughogha abaghoghi bala nukocha akaya kabo.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Matayi 3:10

Intemo yiyaniziwe kale pakudumula amakwi pasi pamagululuzi. Ikwi lyosi lilyo litakwela ivikomwa ivyiza likwiza pakudumuliwa nukusumbiwa pamoto.

Matayi 3:12

Ali nuluselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa numoto, ghugho ghutakuzimapo nalumolumo.”

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

1 Aba Tesalonika 2:16

Bakayezya pakutuzigha ukuti tuleke pakulumbilila amazyu pakasi pabantu babo bate ba Yuda umwakuti bangapokiwa. Bunubu akabalilo kosi biyonjelezyanga bulo imbibi zyabo, umwakuti ubukali ubwa Chala bwabawila.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 20:14

Po ubufwe ni chisu icha bantu abafwe vikasumbiwa munyanja iya moto. Inyanja iya moto yiniyi bo bufwe ubwabubili.