Masalimo 21:8 - IBAYIBOLO 2024

⁸ Inyobe yako yikwiza pakubapota abalwani bako, inyobe yako indilo yikwiza pakubalema babo bakubengite.

Masalimo 21:8 Iomraidhean Croise

2 Samuweli 7:1

Bo u mwene u Devedi ikalana munyumba yache iya bumwene, u Mwene akamuzighilila kubalwani bache bosi babo bakamuzyungulila.

Masalimo 109:20

Ughu gho ghubanje muvwalo uwa Mwene, ku bantu babo bakumususya, zibawilaye abantu babo bakunena akabibi.

Masalimo 16:8

Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Masalimo 18:1

Wee Mwene, we maka ghane nkughanite nkani.

Masalimo 2:9

Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Masalimo 72:9

Abantu aba inko izya munkolongo bakwiza pakumufughamilila, sona abalwani bache bakwiza pakulumyanta ulufumbi.

Yesaya 10:10

Inyobe yane yifikite kubumwene bubo bukwiputa ivifwani, ubumwene bubo ivifwani vyache vikaba vikulu, ukuvichila ivya mu Yelusalemu na mu Samaliya,

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

1 Aba Kolinti 15:25

Pakuti u Kilisitu alaghilaye mupaka papo u Chala ababika abalwani bache kusi kunyayo zyache.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

1 Samuweli 25:29

Nanti abantu bakusambukiye nukukulondelezya ukuti bakughoghe, u Mwene u Chala wako akwiza pakukupoka. Loli akwiza pakubusumba ubumi ubwa balwani bako ngati libwe mu fyata.

1 Samuweli 31:3

Ubwite bula bukaba bwakoghofya nkani umwakuti bakamwavwanila u Sabuli. Bo abantu ababwele bamwagha bakamuvulazya nkani nu tulasilo.