Masalimo 20:8 - IBAYIBOLO 2024

⁸ Abantu banaba bakwiza pakwipunula nukuwa pasi, loli aswe tukwiza pakunyamuka nukwimilila.

Masalimo 20:8 Iomraidhean Croise

2 Abamwene 19:23

Wazituma intumi zyako pakumutuka u Mwene, sona ukuti, “Ningolo zyane inyinji nakwela pamwanya pamaghamba, pamwanya nkani pakasonga aka Lebanoni, nadumula amakwi ghache amatali agha mwale, sona nagha payini amiza. Nafika kuvigaba ivya mulubazu ulwa pakasonga aka mumisutu umwiza nkani.

2 Imbili 14:10

U Asa akabuka pakulwa nawe ubwite, po bakabamba mwikombe ilya Zefata kupipi nakaya aka Malesha.

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Ezila 8:22

Nkaba ni soni pakumulaba u mwene ukuti atupe abasilikali na bantu abakukwela pafalasi ukuti batuvighilile muzila kubalwani bitu, pachifukwa ichakuti tukamubuzya u mwene ukuti, “U Chala witu akumusaya umuntu wesi yuyo akumusubila, loli akumukalalila umuntu wesi yuyo akumukana.”

Masalimo 124:8

Ubwavwilizi bwitu bukufuma kwa Mwene, yuyo we mupeli uwakumwanya ni chisu ichapasi.

Masalimo 125:1

Babo bamusubiye u Mwene, bali ngati lighamba ilya Ziyoni, lilyo litangayingana, loli likubangako bwila na bwila.

Masalimo 33:16

Atalipo nayumoyumo u mwene yuyo akupota pachifukwa icha basilikali bache abamaka, pamo umusilikali ukupona pachifukwa icha maka ghache amakulu.

Masalimo 33:17

Ukuyisubila ifalasi pabwite kutangamwavwa umuntu napapo yingaba na maka amakulu nkani yitangamupoka.

Ivyili 21:31

Ifalasi yikuyaniziwanga pisiku ilya bwite, loli ubupoti buli munyobe izya Mwene.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Mika 7:8

We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.

Yoshwa 11:4

Abamwene banaba bakiza poka na basilikali babo, babo bakaba ni falasi, sona ni ngolo inyinji nkani ngati mumo ghubeleye umusesenga uwa mulubazu lwanyanja.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.

1 Samuweli 17:45

Loli u Devedi akamubuzya umu Filisiti yula akati, “Awe ukwiza kukwane nupanga ni mpalala sona ni ntughu loli ane nkwizila mwitabwa ilya Mwene Uwamaka Ghosi, u Chala uwa basilikali aba ba Izilayeli, yuyo wamusamula.