Masalimo 2:9 - IBAYIBOLO 2024

⁹ Ukwiza pakubakoma ni ndisa iya chela, sona ukwiza pakubafwantannya ngati yo sonta.”

Masalimo 2:9 Iomraidhean Croise

Masalimo 89:23

Imbatizannyanje abalwani bache, sona imbamalaye abalwani bache.

Yesaya 30:14

Po akazepukile kache kali ngati kufwantika ukwa sonta, yiyo yikafwantika akabibi, katakwiza pakwaghiwapo akamenyu kamo akakupalila umoto, pamo akakusembela amizi muchiziba.”

Yesaya 60:12

Pakuti uluko pamo ubumwene, bubo butakukubombela bukwiza pakuzimila, ubumwene bukwiza pakumalila zila.

Yelemiya 13:14

Nkwiza pakubakomezya imitu abawise nabana. Ntakwiza pakubapelela ichisa napo panandi sona ntakwiza pakubahobokela mupaka imbanangannye.’ ”

Yelemiya 19:11

Ubabuzye ukuti, ‘U Mwene Uwamaka Ghosi akuti: Nkwiza pakuchifwantannya ichisu ichi nakaya akakulu kanaka ngati mumo umumata isonta akubombela, isonta yiniyi yitangamatiwa sona. Bakwiza pakubasyila abafwe mu Tofeti pakuti butakwiza pakubapo sona ubuzilo ubunji ubwa kubasyililako.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Ubuvumbuli 12:5

Po akapapa umwana umulumendo, yuyo akwiza pakulaghila abantu abaluko losi ni ndisa iya chela. Loli umwana yula akazompoliwa nukubuka nawe kwa Chala, sona na ku chitengo chache icha bumwene.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.