Masalimo 19:9 - IBAYIBOLO 2024

⁹ Ukumunyila u Mwene cho chintu chakufikapo chicho chikubangako bwila. Ubulongi ubwa Mwene busubiliwa po vyosi vigholosu.

Masalimo 19:9 Iomraidhean Croise

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ubwandilo 42:18

Bo ghachilapo amasiku matatu u Yosefu akababuzya akati, “Ane ne muntu uwakumunyila u Chala, po mukwiza pakupona nanti mwabomba bulo ichintu ichi.

1 Abamwene 18:12

Ntamenyeko kuko u Muzimu uwa Mwene akwiza pakubuka nawe, bo nepapo pano. Buli nanti nabuka pakumubuzya u Ahabu, po atakwaghapo, naloli atakwiza pakungogha? Ane ne mubombi wako namwiputagha u Mwene ukwanda ku bulumendo bwane.

Nehemiya 5:15

Loli abalaghili babo nkabapyana bakabanyamulizyanga abantu ukatundu umung'wamu nkani sona bakabafyenga abantu pakubika isalabazya 40 izya siliva pamwanya pa chakulya nu vinyo. Bope abambombo babo bakabanyamulizyanga abantu ukatundu umung'wamu, loli ane intakazibombapo nalumo, pachifukwa ichakuti nkamunyilagha u Chala.

Masalimo 10:5

Ivintu vyache vikumwendelagha akiza, akwituvya sona indaghilo zyako ate nazyo ni mbombo, po akubobezya abalwani bache bosi.

Masalimo 111:10

Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.

Masalimo 115:13

U Mwene akwiza pakubasaya babo bakumuchindika, abanandi na basongo umwakuyana bulo.

Masalimo 119:1

Basayiwa babo inkalo yabo yite ni chilema nachimochimo, babo bakwenda ukuyana nu lulaghilo ulwa Mwene.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Masalimo 119:111

Amalamulo ghako mpyana yane iya bwila na bwila, pakuti ghakughuhobosya umoyo wane.

Masalimo 119:142

Ubugholosu bwako bwa bwila na bwila, sona ululaghilo lwako lwanaloli.

Masalimo 119:39

Unyefyezyeko umusamu ghugho nkughunyila, pakuti amalamulo ghako miza.

Masalimo 119:62

Pakasi pabusiku nkulamusya pakukupalizya, pachifukwa icha malamulo ghako amagholosu.

Masalimo 119:7

Nkwiza pakukupalizya nu moyo uwanaloli, bo nkuzimanyila indaghilo zyako ingolosu.

Masalimo 119:75

Wee Mwene, inzimenye akiza nkani, ukuti amalamulo ghako magholosu. Sona wanfunda nkani pakuti we musubiliwa.

Masalimo 12:7

Wee Mwene, utusungililaye akiza, sona utupokaye munyobe izya bantu banaba bwila.

Masalimo 147:19

Akumuvumbulila u Yakobo amazyu ghache, sona akubamanyisya aba Izilayeli indaghilo na malamulo ghache.

Masalimo 36:1

Imbibi yikunena mumoyo uwa muntu umubibi, Kutaliko ukumwiputa u Chala pamaso papache.

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Ukufuma 21:1

“Izi zyo ndaghilo zizyo ubaghiye pakubapa aba Izilayeli:

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 26:8

Eee Mwene tukuzikonka izila zyako izya ndaghilo zyako, po tukukulindilila, u moyo witu ghukulonda nkani pakulikumbuka itabwa lyako, sona nukulichindika.

Yesaya 45:19

Intakanenela kubusyefu, pamo pabuzilo bumo muchisu icha chisi. Intakababuzya abaluko ulwa Yakobo ukuti, “Mundondaye po pate imbombo nayimoyimo.” Ane ne Mwene, nkunena ubwanaloli, nukuzifumusya zizyo ngolosu.

Imbombo 10:22

Bakamula bakati, “Usongo u Kolineliya atutuma. Umwene muntu mugholosu, yuyo akumwiputa u Chala, sona achindikiwe nkani naba Yuda bosi. Uwantumi uwakumwanya uwa Chala akamubuzya ukuti akwitizye awe ukuti ubuke kunyumba yache, ukuti ivwe zizyo ukulonda pakunena.”

Aba Loma 11:22

Panapa mungachennya ichisa icha Chala, sona nu bukali bwache. Abakalaliye abantu babo bawiye, loli ali ni chisa namwe, nanti mukwendelela pakubomba vivyo vikumuhobosya. Loli nanti mutakubomba bunubu, namwe bulo mukwiza pakupalantiwa.

Aba Loma 2:2

Tuzimenye ukuti u Chala akulongela mubugholosu abantu babo bakubomba ivintu vinivi.

Ukukumbusya Amalamulo 4:8

Nkimba lulipo uluko ulunji ulwa bantu, manyi lungaba lukulu nkani, lulo luli na malamulo ni ndaghilo ingolosu izyakuyana na zizyo nkubapa ilelo?

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

1 Samuweli 12:24

Mwenelezye nkani ukuti mukumunyila u Mwene, nukumubombela mubwanaloli bwinyu bosi nu moyo winyu ghosi. Akabalilo kosi mukumbukaye ivintu ivikulu vivyo ababombela.