Masalimo 19:14 - IBAYIBOLO 2024

¹⁴ Amazyu ni nyinong'ono izya mumoyo wane vikuhobosyanje, wee Mwene, we lyalabwe lyane, sona we mutabuli wane.

Masalimo 19:14 Iomraidhean Croise

Yobu 19:25

Imenye ukuti Umutabuli wane mumi, nukuti pabumalilo akwiza pakwima pachisu ichapasi.

Masalimo 104:34

Inyiputo zyane zimuhobosyanje, bo nkusekela mwa Mwene.

Masalimo 119:108

Wee Mwene, pokela ichakwiyipa icha mapalo ghane, sona umanyisyanje amalamulo ghako.

Masalimo 51:15

Wee Mwene ighula imilomo yane, po nkwiza pakukwimbila inyimbo izyakukupalizikizya.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Yesaya 43:14

U Mwene Umutabuli winyu, Umuzelu uwa Izilayeli akuti, “Pachifukwa icha mwemwe, nkwiza pakutuma abasilikali babwite ku Babiloni, nkwiza pakupyola impingwi izya twaya utukulu nkani, ukukolomoka ukwa bantu bache kukwiza pakuba kulila.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 47:4

Umutabuli u Mwene Uwamaka Ghosi. Itabwa lyache we Muzelu uwa Izilayeli.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

1 Aba Tesalonika 1:10

Po mukulindilila ukwiza ukwa Mwana wache u Yesu ukufuma kumwanya, yuyo akamuzyusya kubufwe, sona yuyo akatupoka ku bukali ubwa Chala bubo bukwiza.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 11:4

Lukaba lwitiko lulo lukamupela u Abeli akubika ichakwiyipa ichiza nkani kwa Chala ukuchila icha Kayini. Ukwendela mu lwitiko lwache u Chala akamunena pakuba mugholosu pantazi papache, pakuti u Chala akitikizya ivyabupi vyache. Sona pachifukwa icha lwitiko lwache, u Abeli achili akunena napapo afuye.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.