Masalimo 19:12 - IBAYIBOLO 2024

¹² Nkimba wewenu yuyo angakumanya ukupuvya kwache? Uhobokelaye ukupuvya kwane kuko kufisiwe.

Masalimo 19:12 Iomraidhean Croise

Yobu 6:24

Manyisya, nkwiza pakuba myee; ndanjizya ukunanga kwane.

Masalimo 139:2

Ukumanya nanti nkwikala pasi sona nanti nkunyamuka, ukuzimanya inyinong'ono zyane bo uchili uli kubutali.

Masalimo 139:6

Ubumanyi bunubu bwakunswighisya nkani, sona buchilite akavwisizye kane.

Masalimo 40:12

Pakuti intamyo zizyo zitangabelengiwa zizyunguliye, imbibi zyane zyamila, po intangennya sona. Imbibi zyane nyinji nkani ngati sisi izya kumutu wane, sona amaka ghamalila.

Masalimo 51:2

Ubusukaye ububibi bwane bosi, sona unswefyanje kumbibi zyane.

Masalimo 65:3

Pakabalilo kako imbibi zikang'wama papitu, awe ukatuhobokela ububibi bwitu.

Masalimo 90:8

Wazivumbula imbibi zyitu pamaso papako, zyope imbibi izya kubusyefu wazivumbula pabuzelu

Ukufuma 24:12

U Mwene akamubuzya u Mozesi akati, “Kwela wize pighamba pano nukwikala kunuku. Nkwiza pakukupa amabwe amapapate mabili papo nabasimbila abantu amalamulo.”

Ivyili 13:13

Umuntu yuyo akuzisulannya zizyo abanji bakumubuzya, akwiza pakunangika, loli yuyo akughivwila amalamulo, akupokela umuvwalo.

Yesaya 64:6

Twebosi twaba bulo ngati muntu umunyazu, sona imbombo izya bugholosu bwitu, zili ngati menda amanyazu amanyankanyanka, tukufoka ngati lyani, sona imbibi zyitu zikutupyela ngati mpepo.

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

1 Aba Kolinti 4:4

Pakuti umabyebye wane atakunsusyapo, loli ichi chitakusimikizya ukuti ane inte ninongwa nayimoyimo, awe. Uwakundonga ane, we Mwene mpela.

Ukukumbusya Amalamulo 5:29

Ane nalondagha nkani ukuti inyinong'ono zyabo ngali zili bunubu amasiku ghosi, sona nukuti ngali bakunchindika nukuzikonka indaghilo zyane zyosi, umwakuti ivintu vyosi vibendelaye akiza, poka na baluko lwabo bwila na bwila.

Ukukumbusya Amalamulo 5:32

Mwee ba Izilayeli, mwenelezye ukuti mukukonka zizyo u Mwene u Chala winyu abalamuliye. Mutakapaghukilaye kundilo pamo kumongo.

Aba Hebeli 9:7

Loli Umuputi mwene Usongo akwinjilamo muchipinda ichabubili chila lyoka bulo pamwaka. Akusenda ibanda lilyo akwibikila mwene pachifukwa icha mbibi izyache ni zyache, sona ni mbibi zizyo abantu bananga umwakusita kumanya.

1 Yohani 1:7

Loli nanti tukwenda mu lukozyo, ukuyana namumo abeleye mu lukozyo, kokuti tuli mubupoka twebenebene, sona ibanda ilya Yesu u Mwana wache likutuswefya aswe imbibi zyosi.