Masalimo 19:11 - IBAYIBOLO 2024

¹¹ Umubombi wako akusokiwanga ni ndaghilo zinizi, sona muli umuvwalo umukulu nkani pakughasungilila.

Masalimo 19:11 Iomraidhean Croise

2 Imbili 19:10

Bo mukulonga inongwa yosi iya mukamu winyu, yuyo akwikala mutwaya utukulu tunutu, manyi inongwa iyabughoghi pamo iyakunena nizya ndaghilo pamo amalamulo pamo chimanyisyo, mubasokaye ukuti batakamunangilaye u Mwene. Lumo angabakalalila amwe poka na bakamu binyu. Mubombaye bunubu, po mutakwiza pakunanga.

Masalimo 119:103

Mwee, amazyu ghako manoni nkani mumulomo wane, manoni nkani ukuchila ubuchi!

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 119:72

Ululaghilo lwako lulo ukukumbusya, lo lwapamwanya nkani kukwane, ukuchila isalabazya amasabuzani agha siliva nu golide.

Ivyili 11:18

Umuntu umubibi akuzimbuliwanga bwila na bwila, loli yuyo akupesa ubugholosu akupokelagha umuvwalo uwenecho.

Ivyili 24:14

Umanye sona ukuti amahala manoni ku bumi bwako, nanti waghagha, ubumi bwako bukuba nu lusubilo, sona ulusubilo lulalula lutakumala nalumo.

Ivyili 29:18

Kuko kutaliko ubuvumbuli abantu bakuvulungana, loli musayiwa umuntu yuyo akuzikonka indaghilo.

Ezekiyeli 3:3

Akambuzya akati, “Wee mwana uwa muntu, lyanga ibuku lilyo nkukupa po wikute.” Nkalya, likanona ngati buchi.

Matayi 3:7

U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba wewenu abasokite pakuluchimbila ulufundo ulwa Chala lulo lukwiza?

Matayi 6:18

ukuti abantu batakazimanye ukuti mukutuzya pakulya, loli Ughuso mwene yuyo atakuboneka. Po Ughuso yuyo akwennya izyakubusyefu, akwiza pakubapa umuvwalo.

Matayi 6:4

Po vivyo mwabomba vikwiza pakuba vya kubusyefu. Ughuso yuyo akwennya izyakubusyefu akwiza pakubapa umuvwalo.

Matayi 6:6

Loli bo mukulonda pakwiputa, mwinjile muchipinda chinyu, mwighalile umulyango nukwiputa kwa Ghuso, yuyo atakuboneka. Po Ughuso yuyo akwennya vivyo mukubomba kubusyefu, akwiza pakubapa umuvwalo.

Imbombo 20:31

Po mubanje maso! Mukumbukaye ukuti pamaka matatu, umusanya nu busiku intakalekapo nalumolumo pakubamanyisya mwebosi na masozi.

1 Aba Kolinti 4:14

Ane intakusimba zinizi ukuti imbakozye amwe isoni awe, loli ukuti imbamanyisye pakuti mwe bana abane na bane abaghaniwa.

1 Aba Tesalonika 5:14

Bakamu bitu, tukubalaba ukuti mubasokaye abantu abakata. Abantu babo bali nubogha mubakazyanje. Mubakazyanje nukubavwa babo badedebazu, sona mubanje mwe bafisalyoyo nu muntu wesi.

Aba Hebeli 11:26

Akinong'onagha ukuti ukuyimba pachifukwa icha Kilisitu bukaba bukabi ubukulu nkani ukuchila ubukabi bosi ubwa mu Ijiputi, pakuti amaso ghache ghakennyanga umuvwalo uwa muntazi.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

2 Yohani 1:8

Muchebaye ukuti mutakataghe chicho mwabombela imbombo, loli enelezya ukuti mwapokela umuvwalo umwizule.

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”