Masalimo 18:9 - IBAYIBOLO 2024

⁹ Akazepula kumwanya nukwika pasi, sona amabingu amafitu ghakaba kusi kunyayo zyache.

Masalimo 18:9 Iomraidhean Croise

2 Samuweli 22:10

Akazepula kumwanya nukwika pasi, sona amabingu amafitu ghakaba kusi kunyayo zyache.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 68:4

Mumwimbilaye u Chala, mulipalaye itabwa lyache pakwimba inyimbo. Mumukwezyanje yuyo akwelite pamabingu, yuyo itabwa lyache we Mwene, po musekelaye pamaso papache.

Masalimo 97:3

Umoto ghukubuka pantazi papache, nukubalungulizya abalwani bache kumbazu zyosi.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Yesaya 51:6

Ennya kumwanya, Ennya pachisu ichapasi kumwanya kukwiza pakuzyebeluka ngati lyosi, chope ichisu ichapasi chikwiza pakumala ngati mwenda, abantu babo bakwikalamo bakwiza pakufwa ngati mbwele. Loli ubupoki bwane bukwiza pakubangako bwila na bwila, ubugholosu bwane butakwiza pakupotwa.

Yesaya 66:15

Ennya, u Mwene akwiza numoto, sona ingolo zyache zili ngati we kankungu, akwiza pakukwanilisya ubukali bwache ubwakoghofya, sona ukuchemela kwache kuli ni ndimi izya moto.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Maliko 15:33

Pakasi pamusanya ichisi chikawa muchisu chosi, mupaka fili koloko pachamabwila.

Yohani 13:7

U Yesu akamula akati, “Pakabalilo aka utangachivwisya chicho nkubomba, loli ukwiza pakuchivwisya muntazi.”

Ukukumbusya Amalamulo 33:26

“Atalipo nayumo u chala uyunji uwakuyana nu Chala uwa Izilayeli, yuyo akwenda mubuchindamu mumwanya, sona yuyo akukwela pamabingu nukwiza pakukwavwa.

Aba Hebeli 12:26

Pakabalilo kalakala izyu likachineng'ennya ichisu ichapasi, loli ilelo alayizya ukuti, “Ntakwiza pakuchineng'ennya chene ichisu ichapasi, loli na kumwanya bulo.”

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.