Masalimo 18:6 - IBAYIBOLO 2024

⁶ Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 18:6 Iomraidhean Croise

2 Samuweli 22:7

Bo indi muntamyo, nkamwitizya u Mwene. Nkamwitizya u Chala wane. Bo ali munyumba yache, akivwa izyu lyane, sona ukulila kwane kukafika mumakutu ghache.

2 Imbili 30:27

Abaputi naba Levi bakimilila nukubasaya abantu, po u Chala akabivwa, pakuti ulwiputo lwabo lukafika kumwanya kukaya kache akazelu.

Masalimo 11:4

U Mwene ali munyumba yache izelu, sona ikaye pachitengo chache kumwanya. Amaso ghache ghakubennya abantu bosi, sona akubapima bosi.

Masalimo 120:1

Muntamyo zyane nkumwitizya u Mwene, po akunyamula.

Masalimo 34:15

Amaso agha Mwene ghakubennyanga abantu abagholosu, sona amakutu ghache ghakuteghelezya ukulila kwabo.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 55:5

Ubogha nukutetema vyandema, vyope ivyakoghofya vyintenguye.

Ukufuma 2:23

Bo ghachilapo amaka aminji nkani, u mwene uwamu Ijiputi yula akafwa, loli aba Izilayeli bakakoloma nkani pachifukwa icha buzya bwabo. Bakalililagha ubwavwilizi, po u Chala akivwa ukukoloma kwabo.

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Maliko 14:36

Akanena sona akati, “Wee Tata, wee Tata wane! Ungabomba ivintu vyosi. Efya ulubako ulwa ntamyo ulu kukwane. Chitakabe mumo nkulondela awe, loli mumo ukulondela.”

Imbombo 12:5

Po u Pitala akasungiwa mujele, loli ichipanga chikamwiputilagha nkani kwa Chala.

Ubuvumbuli 11:19

Inyumba iya Chala kumwanya yikighuka, sona Ibokosi ilya Lufingo likaboneka mulamula. Po kukabako ukumesya ukwa kamesya, ichongo nukupaya, akasenyenta ni vula iya mabwe aghamaka.