Masalimo 18:43 - IBAYIBOLO 2024

⁴³ Wampoka munyobe izya bantu bane, babo bakansambukila sona wambika pakuba ne mutu uwa inko, Abantu babo intakabamanya ilelo bali pasi pabulaghili bwane.

Masalimo 18:43 Iomraidhean Croise

2 Samuweli 19:9

Aba Izilayeli bosi bakadalinkanagha benebene bakati, “U Devedi akatupoka munyobe izya balwani bitu. U mwene weyuyo akatupoka munyobe izya ba Filisiti. Loli ilelo achimbilamo muchisu pachifukwa icha Abisalomu,

2 Samuweli 3:1

Pakaba ubwite pakasi pa bamunyumba iya Sabuli na bamunyumba iya Devedi pakabalilo akatali nkani. U Devedi akaba na maka nkani, loli abamunyumba iya Sabuli bakadedebaladedebala.

Masalimo 108:9

U Mowabu lyo libeseni lyane ilyakusukusulilamo, u Edomu we chakusumbilapo inkwato zyane. Nkwiza pakukolomoka bo nabapota aba Filisiti.”

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 52:15

Loli inko inyinji zikwiza pakumuswigha, abamwene bakwiza pakusona amalomo ghabo pachifukwa icha yuyo. Pakuti chicho batakabuziwa nalumolumo bakwiza pakuchennya, sona chicho batachivuye bakwiza pakuchivwisya.

Yesaya 55:5

Naloli ukwiza pakuzyitizya inko zizyo utazimenye, sona inko zizyo zitakakumanya, zikwiza pakuchimbilila kukwako, pachifukwa icha Mwene u Chala winyu, Umuzelu uwa Izilayeli, pakuti weyuyo abapa ubuchindamu.”

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

Aba Loma 15:12

Sona wepe umulaghuzi u Yesaya akuti, “Weka uwa banyenya aba Yese akwiza; akwiza pakuzilaghila inko abantu babo bate ba Yuda; po abene bakwiza pakusubila mumwache.”

Aba Loma 15:18

Ntakwiza pakujimba pakunena nizya chintu ichinji, awe, loli zyene zizyo u Kilisitu abomba ukwendela mumwane ukuti imbavwe abantu babo bate ba Yuda pakumwivwila u Chala ukwendela mu mazyu ghane, sona na mumbombo zyane,

Aba Loma 16:26

Loli, ilelo vyavumbuliwa pabuzelu ukwendela mu masimbo agha balaghuzi; sona ukwendela mu malamulo agha Chala uwa bwila na bwila vyavumbuliwa ku bantu abaluko losi, umwakuti basubile nukwivwila.

Aba Efeso 1:22

U Chala akavibika ivintu vyosi pasi panyayo izya Kilisitu, sona akamwikazya pamwanya pavintu vyosi pakuba mutu uwa chipanga.

1 Pitala 2:10

Kale amwe mutakaba bantu aba Chala, loli ilelo mwe bantu bache. Pakabalilo kamo amwe mutakachimanya ichisa icha Chala, loli ilelo mwachipokela ichisa chache.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”