Masalimo 18:42 - IBAYIBOLO 2024

⁴² Nkabasya ngati lufumbi lulo lukupupuziwa ni mpepo, sona nkabakanyankila ngati matope agha mumusebo.

Masalimo 18:42 Iomraidhean Croise

2 Abamwene 13:7

U Yehowahazi atakasyalapo na basilikali nabamobamo, loli bene 50 babo bakendagha pafalasi ni ngolo izya bwite 10, sona na basilikali 10,000 babo bakendagha pasi pachifukwa ichakuti u mwene uwa ba Siliya akabanangannya abasilikali bosi nukubakanyankila ngati lufumbi.

Yobu 27:9

Nkimba u Chala akwivwa ukulila kwache, nanti amayimba ghamuwila?

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Ivyili 1:28

“Po bakwiza pakunyitizya, loli ntakwiza pakwamula, bakwiza pakundondelezya, loli batakwiza pakunyagha.”

Yesaya 10:6

Nkumutuma pakulwana ninko zizyo zitakumunyila u Chala, abantu babo bankalalizizye ane nkubatuma, nkumulamula ukuti azompole nukufyula, nukubakanyannya ngati matope agha mumusebo.

Yesaya 25:10

Inyobe iya Mwene yikwiza pakuba pighamba linili, loli aba Mowabu bakwiza pakukanyankiliwa, ngati mumo isote likukanyankiliwa mumumvundo.

Yesaya 41:2

“Nkimba wewenu yuyo akiza nu mupoti uwa kubufumilo bwizuba, akapotagha mosi mumo akendagha? Akuzibika inko izya bantu munyobe zyache, po abamwene bakabakanyila pasi ni nyayo zyache, nupanga wache akabakoma ngati lufumbi, po ubwele bwache bukabanyampannya ngati lyelelo

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.

Malaki 4:3

“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.