Masalimo 18:41 - IBAYIBOLO 2024

⁴¹ Bakalilagha ukuti abavwe, loli patakabapo nayumoyumo umuntu uwakubapoka. Bakalilagha kwa Mwene, loli atakabamula.

Masalimo 18:41 Iomraidhean Croise

Yobu 27:9

Nkimba u Chala akwivwa ukulila kwache, nanti amayimba ghamuwila?

Masalimo 118:10

Abantu aba inko izinji zyosi bakanzyungulila loli nkabanangannya na maka agha Mwene.

Masalimo 118:11

Naloli bakanzyungulila, imbazu zyosi, loli nkabanangannya mwitabwa ilya Mwene.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Ivyili 1:28

“Po bakwiza pakunyitizya, loli ntakwiza pakwamula, bakwiza pakundondelezya, loli batakwiza pakunyagha.”

Yesaya 1:15

Bo mukukwezya inyobe zyinyu mumwanya pakwiputa, nkwiza pakwighalila amaso ghane. Napapo inyiputo zyinyu zingaba ntali, loli ane ntakwiza pakuziteghelezya, pachifukwa ichakuti inyobe zyinyu zyizuye ni banda.

Yelemiya 11:11

Polelo u Mwene akuti, ‘Nkubizila nintamyo yiyo batabaghiye pakuyichimbila. Napapo bangandilila, pope bulo ntakwiza pakubivwa napo panandi.

Yelemiya 14:12

Napapo bangatuzya pakulya, ntakwiza pakwivwa ukulila kwabo, napapo bangabika ivyakwiyipa ivyakocha sona ni vyakwiyipa ivya busu pope bulo ntakwiza pakubapokela. Mubuzilo bwache, nkwiza pakubanangannya nupanga, nizala sona ni chiwaya.”

Ezekiyeli 8:18

Polelo, ntakwiza pakubaleka bulo, ntakwiza pakubapelela ichisa pamo ukubaleka bumi. Napapo bakukolomoka mumakutu ghane, ntakwiza pakubateghelezya.”

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Mika 3:4

Po bakwiza pakumulilila u Mwene, loli atakwiza pakubamula. Pakabalilo kalakala akwiza pakubapa inkonto, pachifukwa icha bubibi bubo babombite.

Zekaliya 7:13

“U Mwene Uwamaka Ghosi akuti, ‘Bo nkubitizya batakivwanga, bo bope bakunyitizya, intakabateghelezya.

Luka 13:25

Umwenecho uwa nyumba akwiza pakunyamuka nukwighalila umulyango. Po amwe mwe muli kuzi mukwiza pakukong'osya pamulyango nukuti, ‘Wee Mwene, twighulileko.’ Loli u Mwene akwiza pakwamula ukuti, ‘Awe, intamenyeko kuko mwafuma.’

Yoshwa 10:26

Palapala u Yoshwa akabaghogha abamwene fayivi bala. Akayipayika imivimba yabo pamakwi, nukuyileka palapala mupaka pachamabwila.