Masalimo 18:38 - IBAYIBOLO 2024

³⁸ Nkabavulazya nkani umwakuti batakanyamuka sona, nkabakanyilila ni nyayo zyane.

Masalimo 18:38 Iomraidhean Croise

2 Samuweli 22:39

Nkabavulazya nkani po batakanyamuka sona, nkabakanyilila ni nyayo zyane.

Masalimo 21:9

Pakabalilo kako ukwiza pakubonekela, ukwiza pakubapela ngati cho chiliba icha moto. Mubukali bwache u Mwene akwiza pakubazimizya, sona umoto wache ghukwiza pakubalungulizya.

Masalimo 36:12

Ennya mumo abantu ababibi bawiliye pasi, sona balambalaye bulo, umwakuti batanganyamuka.

Masalimo 47:3

Akubapota abantu aba inko izinji pakuba pasi papitu, sona akulubika uluko ulunji kusi kunyayo zyitu.

Ukukumbusya Amalamulo 28:7

U Mwene abavwe umwakuti mukwiza pakubapota abalwani binyu babo bakulwa namwe ubwite. Bo bakwiza pakulwa namwe ubwite, bakwiza pakwenda izila yoka, loli bakwiza pakubachimbila pakwenda izila seveni.

1 Samuweli 23:5

U Devedi na bantu bache bakabuka ku Keyila pakulwa ubwite. Bakabaghogha aba Filisiti nukubafyula ivitekwa vyabo. U Devedi akabavulazya nkani aba Filisiti bala nukubapoka abantu aba mu Keyila.

1 Samuweli 30:17

U Devedi na bantu bache bakalwa nabo ukwanda kubuche mupaka pachamabwila mupaka indabi yache. Patakabapo nayumoyumo umuntu uwakupona, loli bene abantu 400 bala, babo bakakwela pangamila nukuchimbila.