Masalimo 18:27 - IBAYIBOLO 2024

²⁷ Awe ukubapoka abantu abakwiyisya, loli abantu abakwikwezya, ukubisya.

Masalimo 18:27 Iomraidhean Croise

2 Samuweli 22:28

Awe ukubapoka abantu abakwiyisya, loli abantu abakwikwezya, ukubisya.

Masalimo 10:4

Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Masalimo 101:5

Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

Masalimo 17:10

Batakulanjizya ichisa napo panandi, sona amalomo ghabo ghakunena amituvyo ghene.

Masalimo 17:13

Wee Mwene vundumuka, ubapotaye nukubawisya pasi, sona bombezya upanga wako umpokaye munyobe izya bantu ababibi.

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Masalimo 34:6

Umuntu umupina uyu akalila, po u Mwene akamwivwa, sona akamupoka muntamyo zyache zyosi.

Masalimo 40:17

Loli ane ne mupina sona mupotwe, po u Mwene anyinong'onelaye. Wee Chala wane, we mwavwilizi wane sona we mutabuli wane, utakazyelaye.

Masalimo 9:18

Loli abapina atakubaluvyanga nalumolumo, sona ulusubilo lwabapina lutakupotwangapo.

Ivyili 30:12

Balipo bamo babo bakwiyennya bene pakuba bazelu mumoyo, loli batefizyemo imbibi zyabo.

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Luka 18:14

U Yesu akati, “Nkubabuzya ukuti umusonkezya sonko akabwela kunyumba, bo u Chala amunena pakuba mugholosu pamaso papache, umu Falisayi yula, awe. Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?