Masalimo 18:13 - IBAYIBOLO 2024

¹³ U Mwene akajilimisya kumwanya, sona izyu ilya Uwakumwanya Nkani likivwika.

Masalimo 18:13 Iomraidhean Croise

Yobu 40:9

Nkimba inyobe yako yiyanite niya Chala sona izyu lyako likajilimisya ngati lyache?

Masalimo 104:7

Loli bo waghachemela, amizi ghala ghakachimbila. Bo ghivwa ukujilimisya kwako, ghakasata lubilolubilo nkani,

Masalimo 11:6

Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

Masalimo 140:10

Amazimwa agha moto ghabawilaye, sona basumbiwanje muchiliba icha moto umwakuti batakepayemo nalumo.

Masalimo 78:48

Akazighogha ing'ombe ni vula iya mabwe, vyope ivitekwa akavighogha na kamesya.

Ukufuma 20:18

Bo abantu bennya ukupaya na kamesya nukwivwa ipati, sona nukwennya ilyosi likusuka pighamba pala, bakaba nubogha nkani, po bakimilila pabutalipo.

Ukufuma 9:24

Ivula iya mabwe yikatima, ukumesya kukendelela, yikaba vula imbibi nkani yiyo aba Ijiputi batayenizyepo nalumolumo ukwandila pakabalilo kako ichisu icha Ijiputi chikapeleliwanga.

Ezekiyeli 10:5

Ichongo icha vipapande ivya bakelubi chikivwika mupaka ku lubinjilo ulwa kuzi, ngati lizyu ilya Chala Uwamaka Ghosi bo akunena.

Habakuku 3:5

Ichiwaya chikalongolela muntazi mumwache, sona ububine ubwakoghofya bukamukonka mwisinda.

Yohani 12:29

Ichilundilo icha bantu chicho chikimilila pala, chikivwa izyu, po bamo bakati ukupaya ukwa vula, abanji bakati, “Uwantumi uwakumwanya akanena nawe!”

Ukukumbusya Amalamulo 32:24

Nkwiza pakubawisizya izala inkulu nkani, sona nintamyo ni viwaya ivipalapala nkani. Nkwiza pakubatumila ivinyamana ivyakoghofya, sona ni njoka izya bwanga ukuti zibalume.

Yoshwa 10:11

Bo bakubachimbila aba Izilayeli ukwika pighamba ilya Beti Holoni mupaka ku Azeka, u Mwene akabawisizya ivula iya mabwe amakulu nkani, umwakuti abantu abinji nkani bakafwa ni vula iya mabwe yila, ukubachila babo bakaghoghiwa naba Izilayeli.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 4:5

Muchitengo icha bumwene mukafumagha utumesya, ichongo nukujilimisya ukwa vula. Pantazi pachitengo icha Bumwene mukakagha ivikoka ivya moto seveni, vivyo yo Mizimu seveni iya Chala.

Ubuvumbuli 8:5

Po uwantumi yula akasenda ichakufukizizya utwakununkila tula nukuchizuzya numoto uwa pachighemo nukuchisumbila pachisu ichapasi. Pakabalilo kalakala kukaba amabingu, ni vyongo nu tumesya, sona na kasenyenta.

1 Samuweli 7:10

Bo u Samuweli akubika ichakwiyipa ichakocha chila, aba Filisiti bakiza pakulwa ubwite naba Izilayeli. Loli pisiku lilalila u Mwene akabajilimizizya aba Filisiti bala ngati vula, po bakavulungana nkani, umwakuti aba Izilayeli bakabapota.