Masalimo 17:3 - IBAYIBOLO 2024

³ Napapo ungaghuyela umoyo wane, pamo ukumpima pabusiku, loli utanganyagha ninongwa nayimoyimo. Nadumula ukuti umulomo wane ghutakwiza pakunanga.

Masalimo 17:3 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

1 Imbili 29:17

Wee Chala wane, inzimenye ukuti ukwennya mumoyo uwa muntu sona ukuhoboka na bantu aba bwanaloli. Niyipa nukubika nu moyo ghosi sona na mubwanaloli, sona nabennya abantu namumo biyipila na moyo ghabo ghosi sona nu mwakuhoboka nkani.

Yobu 23:10

Loli u Chala akamenye akendele kane kosi; nanti anjela, nkwiza pakuswepagha.

Yobu 24:14

Bo ichisi chawa, umughoghi akunyamuka pakughogha abapina na bapotwe, po pabusiku akwiba ngati mwiba.

Masalimo 11:5

U Mwene akubapima abagholosu, loli ababengite abantu ababibi, na babo bavighanite ivyongo.

Masalimo 119:106

Nalapa ichilapo sona nadumula, pakuzikonka indaghilo zyako ingolosu.

Masalimo 139:1

Wee Mwene wandondelezya akiza, sona umenye akiza nkani.

Masalimo 139:23

Wee Chala, undondelezye umwakuti ughumanye umoyo wane, umpime umwakuti uzimanye inyinong'ono zyane.

Masalimo 16:7

Nkumupala u Mwene pakuti weyuyo akumanyisya amahala, umabyebye wane akunsokagha na pabusiku bulo.

Masalimo 26:2

Wee Mwene, njezya nukumpima. Sona ughupime umoyo wane ni nyinong'ono zyane zyope.

Masalimo 39:1

Nkati, “Nkwiza pakucheba nkani ni mbombo zyane, sona nkwiza pakululema ululimi lwane ukuti lutakanangaye. Nkwiza nukughusona bulo umulomo wane, bo indi pakasi pabantu ababibi.”

Masalimo 66:10

Wee Chala, watuyezya ngati mumo bakuswefyezezya usiliva pamoto.

Masalimo 7:4

nanti namubombela akabibi umumanyani wane, pamo nanti namwibila chimo umulwani wane umwakusita ichifukwa,

Ivyili 13:3

Umuntu yuyo akwilema mukanenele kache akubusungilila ubumi bwache, loli yuyo akunenagha mwalwemwalwe, akwinanga mwene.

Yelemiya 12:3

Loli pope bulo awe wee Mwene ummenye nkani, Ukunyennya nukuzipima nyinong'ono zyane namumo nkughaniye. Ubawesele kubutali abantu ababibi banaba ngati yo ng'ozi yiyo yikwiza pakughoghiwa. Ubapaghule ukuti balindililaye isiku ilya kughogheliwa.

Yelemiya 50:20

Mumasiku ghalaghala sona pakabalilo kalakala, nkwiza pakulondelezya ukunanga ukwa Izilayeli, loli kutakwiza pakwaghiwa, sona zilondelezye imbibi izya Yuda, loli zitakwiza pakwaghiwa, pakuti nkwiza pakubahobokela abakusyalako bala. Ane ne Mwene nanena.”

Hoseya 7:6

Amoyo ghabo ghakocha ngati muvuno, sona bakupalamila kukwache umwabuzimbuli. Ubukali bwabo bukwaka panandipanandi busiku bosi, sona pandabindabi bukwaka ngati moto.

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Malaki 3:2

Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 16:9

Pabusiku u Pabuli akennya ichisetuka mumo akennya umuntu uwa muchigaba icha Makedoniya imiliye nukumulaba ukuti, “Wize kuno ku Makedoniya ukuti utwavwe!”

1 Aba Kolinti 4:4

Pakuti umabyebye wane atakunsusyapo, loli ichi chitakusimikizya ukuti ane inte ninongwa nayimoyimo, awe. Uwakundonga ane, we Mwene mpela.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

Yakobo 3:2

Pakuti twebosi tukupuvya muvintu ivyinji. Loli nanti umuntu yumo atakupuvya pazizyo akunena, kokuti umuntu yunuyu wakufikapo, sona amenye pakulaghila umubili wache ghosi.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

1 Samuweli 24:10

Ilelo wiyenezya wemwene ukuti u Mwene akubikite munyobe zyane mumpako mula. Abantu bane bamo bakambuzya ukuti nkughoghe, loli nkakakana. Nkati, “Ntangamuvulazya u mwene wane, pakuti mupakiwa uwa Mwene.”

1 Samuweli 24:12

U Mwene alonge yuyo amunangila uwamwabo pakasi papako nane, sona akufunde pachifukwa icha vivyo wambombela, loli ane ntakwiza pakukubombela nachimochimo ichintu ichibibi.

1 Samuweli 26:11

Loli u Mwene ankanizye ukuti intakamubombele ichintu ichibibi umupakiwa wache. Losi ulu senda impalala yache nu lubako lwache ulwa mizi, lulo luli papipi nu mutu wache, po tubukaye.”

1 Samuweli 26:23

U Mwene akumusaya umuntu pachifukwa icha bugholosu nu busubiliwa bwache. Ilelo u Mwene akubikite munyobe zyane, loli intakalondagha ukuti nkubombele ichintu ichibibi we mupakiwa uwa Mwene.