Masalimo 17:14 - IBAYIBOLO 2024

¹⁴ Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Masalimo 17:14 Iomraidhean Croise

Yobu 12:6

Amavyondongo gho ghagho ghakwikala mumutende, sona abantu babo bakumusokosola u Chala bo babo bali mumutende abantu babo bakubanyamula abachala babo munyobe zyabo.

Yobu 12:9

Pavintu vyosi vinivi, nkimba chili kwiyi chicho chitazimenye, ukuti inyobe iya Mwene yo yiyo yazibomba zinizi?

Yobu 21:21

Nkimba angasekela bulibuli naba munyumba yache nanti amezi aghakwikalila muchisu ghamala?

Yobu 22:18

Pope bulo u Chala akizuzya inyumba zyabo ni vintu ivyiza, po ane ntakwitinkana ni nyinong'ono izya bantu ababibi.

Masalimo 39:6

Umuntu akwendakwenda bulo ngati muzyezye, sona akwitamya bulo ni vintu vivyo vite ni mbombo. Akwilundikila ubukabi, loli atamumenye yuyo akwiza pakwilagha ubumi bwache bulabula.

Masalimo 73:12

Umu momumo ababibi babeleye, akabalilo kosi bali pabwiza, bakukabilakabila bulo ichuma.

Ivyili 2:4

Ubulondelezyanje ubumanyi ngati po ukulondelezya usiliva, sona ngati po ukubulondelezya ubukabi bubo bufisiwe.

Matayi 13:44

“Ubumwene ubwa Kumwanya buyanite bulo nu bukabi bubo bufisiwe mumughunda, bubo umuntu akabwagha nukubufisa sona, po mubuhobosu bwache akubuka nukughulizya vyosi vivyo ali navyo, akunyokela nukughula umughunda ghulaghula.

Luka 16:25

Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Luka 16:8

Polelo u mwene uwa kapitawa yula akamupalizya uwambombo umusitakusubiliwa yula, pachifukwa icha busitakusubiliwa kwache. Pakuti abantu aba muchisu ichapasi bachevu pakwendezya ivintu vyabo ukuchila abantu babo bali mu lukozyo.”

Yohani 15:19

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.

Yohani 17:14

Ane nkabapa amazyu ghako, loli abantu aba muchisu ichapasi chikababenga pakuti bate ba muchisu ichapasi ukuyana namumo ane inte ne wa muchisu ichapasi.

Yohani 8:23

U Yesu akabamula akati, “Amwe mwe bantu aba muchisu ichapasi, loli ane nkafuma kumwanya. Amwe mwe bantu aba muchisu ichapasi, loli ane inte ne uwa muchisu ichapasi.

Yakobo 5:5

Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.