Masalimo 17:10 - IBAYIBOLO 2024

¹⁰ Batakulanjizya ichisa napo panandi, sona amalomo ghabo ghakunena amituvyo ghene.

Masalimo 17:10 Iomraidhean Croise

Yobu 15:27

“Napapo icheni chache chinite nkani sona ghope umusana wache winite nkani

Masalimo 119:70

Abantu banaba bali na moyo amakafu, sona batakupasya nachimochimo, loli ane nkuhoboka nu lulaghilo lwako.

Masalimo 123:4

Abantu abakwituvya bakutuseka akabalilo akatali nkani, sona bope abantu abakwitutumula bakutobezya nkani.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Ukufuma 15:9

Umulwani yula akati, ‘Nkwiza pakubachimbizya nukubalema. Nkwiza pakubugabannya ubukabi bwabo, nukusenda vyosi vivyo nkuvilonda. Nkwiza pakuwesa upanga wane, nukubanangannya ni nyobe yane.’

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Yesaya 6:10

Po akambuzya akati, “Ughapelaye amoyo agha bantu banaba ukuti ghabanje makafu, amakutu ghabo ghabanje namapuli, ubapelaye ukuti babanje bafwamaso, ukuti lumo bangennya na maso ghabo pamo ukwivwa na makutu ghabo, sona nukuvwisya na moyo ghabo, ukuti bapinduke nukupola.”

Matayi 13:15

Pakuti amoyo ghabo makafu nkani, sona basindiye amakutu ghabo, basizilite amaso ghabo. Pakuti ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya. Po ngali bapindukila kukwane, u Chala akunena, ngali imbapozizye.’

Imbombo 28:27

Pakuti amoyo agha bantu banaba makafu nkani. Basindiye amakutu ghabo, sona basizilite amaso ghabo. Papo ngali amaso ghabo ghakwennya, amakutu ghabo ngali ghakwivwa ni nyinong'ono zyabo ngali zikwivwisya po ngali bapindukila kukwane, ngali imbapozizye. Akunena zinizi we Chala.’ ”

Ukukumbusya Amalamulo 32:15

Aba Izilayeli bakaba bakabi nkani, loli bakunsambukila. Bakina nkani, sona bakalya nukuvimbilwa. Pisinda pache bakamuleka u Chala wabo yuyo akabapela, nukulikana Ilyalabwe, yuyo Mupoki wabo.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

1 Samuweli 2:3

“Muleke pakwitutumula, sona amalomo ghinyu ghatakituvyanje. Pakuti u Mwene we Chala, yuyo azimenye imbombo izya bantu, sona akwiza pakubalonga ukuyana ni mbombo zyabo.