Masalimo 16:11 - IBAYIBOLO 2024

¹¹ Wandanjizya izila iyakubukila kubumi, sona ukwiza pakunyizuzya nu buhobosu Sona nkwiza pakuhoboka bwila na bwila kunyobe yako indilo.

Masalimo 16:11 Iomraidhean Croise

Masalimo 139:24

Ennya nanti muli ububibi bumo mumwane, po undongozyezye muzila iya bwila na bwila.

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 4:8

Nanti nalambalala nkughona mumutende, pakuti awe Mwene, wewe ukwiza pakumpela ukuti nikalaye umwakufwasa.

Masalimo 68:4

Mumwimbilaye u Chala, mulipalaye itabwa lyache pakwimba inyimbo. Mumukwezyanje yuyo akwelite pamabingu, yuyo itabwa lyache we Mwene, po musekelaye pamaso papache.

Ivyili 12:28

Izila iyanaloli yikumulongozezya umuntu kubumi, loli izila imbibi yikumulongozezya kubufwe.

Ivyili 2:19

Ataliko nayumoyumo yuyo akubuka kukwache akunyokako, pamo ukuyagha izila iyakubukila ku bumi.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Ivyili 5:6

Ate ni mbombo ni zila iya bumi, izila zyache nyonganu, loli atakuzimanyagha.

Yesaya 2:3

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Matayi 25:33

Akwiza pakubika ing'ozi kunyobe yache indilo nukubika imbuzi kunyobe yache iyamongo.

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Matayi 5:8

Basayiwa babo bazelu mumoyo, pakuti bakwiza pakumwennya u Chala.

Matayi 7:14

Loli umulyango uwa ku bumi mufinye, sona izila iyakubukila kuko mpalapala, po bantu banandi babo bakuyagha.

Maliko 16:19

Bo u Mwene u Yesu amala pakunena nabo, akasendiwa pakubuka kumwanya nukwikala kunyobe indilo iya Chala.

Imbombo 2:28

Wandanjizya izila iyakubukila kubumi, sona ukwiza pakunyizuzya nu buhobosu pamaso papako.’

Imbombo 7:56

Akati, “Ennya, nkwennya kumwanya kwighukite, sona u Mwana uwa Muntu imiliye kunyobe indilo iya Chala.”

Aba Loma 8:11

Sona nanti umuzimu uwa Chala yuyo akamuzyusya u Yesu kubufwe ali mumwinyu, po wepe yuyo akamuzyusya u Kilisitu kubufwe akwiza pakughapa amabili ghinyu ubumi, ghagho ghakufwa, ukwendela mu Muzimu wache yuyo ali mumwinyu.

1 Aba Kolinti 13:12

Chicho ilelo tukwennya chiyanite bulo nu muzyezye pigalasi ilyakwenezyapo, loli pakabalilo kalakala tukwiza pakwenannya icheni ni cheni. Chicho inchimenye ilelo ukuti chite chakufikapo, chikwiza pakuba chakufikapo—ngati mumo u Chala amanyiye umwakufikapo.

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

Aba Efeso 3:19

Naloli nkwiputa ukuti mumanye ulughano lula ulwa Kilisitu, lulo lwapamwanya nkani ukuchila amahala agha bantu, ukuti mwizuziwe umwakufikapo nubumi ubwa Chala.

1 Pitala 1:21

Amwe mukumusubila u Chala ukwendela mumwache, yuyo akamuzyusya kubufwe nukumupa ubuchindamu. Po ulwitiko nu lusubilo lwinyu vikwennya kwa Chala.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.