Masalimo 16:10 - IBAYIBOLO 2024

¹⁰ Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Masalimo 16:10 Iomraidhean Croise

Yobu 11:8

Matali ukuchila kumwanya. Nkimba ungabombapo choni? Mibizu nkani ukuchila ichisu icha bantu abafwe. Nkimba ungamanya choni?

Masalimo 139:8

Nanti natinji nkwelaye kumwanya, nawe bulo uli kulakula, nanti natinji ingonaye muchisu icha bafwe, pope bulo uli kulakula.

Masalimo 49:15

Loli u Chala akwiza pakubutabula ubumi bwane mwipumpa, pakuti akwiza pakumpokela.

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Ivyili 27:20

Ubufwe ni pumpa vitakwikutisiwa, umwakuyana bulo ghope amaso ghatakwikutisiwamo.

Yesaya 14:9

“Ipumpa lyighukite ukuti likupokele awe, sona lyavundumuzya imizimu iya bafwe pakukulamuka, abantu bosi babo bakaba balongozi muchisu ichapasi, likubanyamusya pavitengo vyabo ivya bumwene, sona na bamwene bosi aba inko.

Yesaya 5:14

Po ipumpa likwiza pakwighula imilo lyache, sona nukwasama nkani umulomo wache, likupokela abantu abapamwanya na bapasi, Abantu babo bakuzuma ichongo nababo bakusekela bakwiza pakuwilamo.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Aba Levi 19:28

“ ‘Mutakibolannye amabili ghinyu pachifukwa icha bufwe ubwa muntu, pamo ukwisalila mumabili ghinyu. Ane ne Mwene.

Amosi 9:2

Napapo bangakumba nkani mupaka kuchisu icha bafwe, inyobe yane yikwiza pakubasokola kulakula. Napapo bangakwela ukufika ko kumwanya, nkwiza pakubisizya pasi.

Ukubelengiwa 6:6

“ ‘Akabalilo kosi akakwipaghulila kwache kwa Mwene, umuntu yula atakapalamilaye ku muvimba.

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Luka 16:23

Bo akuyimba nkani muchisu icha bantu abafwe, akamwennya u Abulahamu pabutalipo poka nu Lazalo kulubazu lwache.

Luka 4:34

akati, “Wee! Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi izelu iya Chala!”

1 Aba Kolinti 15:42

Momumo zikwiza pakubela, bo abantu abafwe bakuzyuka kubufwe. Bo umubili ghukusyiliwa ghukubola, loli bo wazyuka ghutakwiza pakuba mubozu.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 20:13

Po inyanja yikafumya abantu abafwe, babo bakaba mulamula. Ubufwe ni chisu icha bantu abafwe, vyope vikabafumya abantu abafwe babo bakaba mulamula. Po umuntu wesi akalongiwa ukuyana ni mbombo zyache zizyo akabomba.