Masalimo 150:5 - IBAYIBOLO 2024

⁵ Mumupalaye pakumulizizya umalimba umunandi, mumupalaye pakumulizizya umalimba umukulu nkani.

Masalimo 150:5 Iomraidhean Croise

2 Samuweli 6:5

U Devedi poka naba Izilayeli bosi bakasekelagha na maka ghabo ghosi pamaso pa Mwene, bo bakwimba inyimbo nukulizya ivinanda ni vivisekeseke na malongi ni ngwaya sona na mapango.

1 Imbili 13:8

U Devedi poka naba Izilayeli bosi bakasekelagha na maka ghabo ghosi pamaso pa Chala bo bakwimba inyimbo nukulizya ivinanda na mapango ni vivisekeseke nu malimba sona na mapati.

1 Imbili 15:16

U Devedi akabalamula abalongozi aba ba Levi ukuti basale abawamwabo bamo pakwimba inyimbo izya palusekelo pakubombezya amapango ni vinanda na malimba.

1 Imbili 15:19

Abimbi bakaba bo aba: U Hemani nu Asafu sona nu Etani abantu aba bo babo bakalizyanga amalimba agha mukuba.

1 Imbili 15:28

Po aba Izilayeli bosi bakiza ni Bokosi ilya Lufingo ilya Mwene bo bakukolomoka nkani nukulizya impembe izya badubi na mapati na malimba na mapango sona ni vinanda.

1 Imbili 16:5

U Asafu yuyo akaba we songo wabo nu Zekaliya yuyo akaba wabubili nu Yeyeli nu Shemilamoti nu Yehiyeli nu Matitiya nu Eliyabu nu Benaya nu Obedi Edomu sona nu Yeyeli. Abantu banaba bakasaliwa ukuti balizyanje ivinanda na mapango sona u Asafu akalizyanga umalimba.

1 Imbili 25:1

U Devedi poka na basongo aba basilikali bakabasala abana abalumendo bamo aba Asafu nu Hemani sona nu Yedutuni ukuti babombaye imbombo iyakulaghula, bo bakulizya ivinanda na mapango, sona na malimba. Abantu babo bakasaliwa ukuti babombaye imbombo yiniyi bakaba bo aba:

1 Imbili 25:6

Abantu bosi banaba bakalongoziwa na bawise ukuti babombaye imbombo iyakwimba inyimbo mu Nyumba iya Mwene, pakulizya amalimba na mapango sona ni vinanda. U Asafu nu Yedutuni nu Hemani bakalongoziwa nu mwene.

2 Imbili 5:13

Abalizya amapati na bimbi bakaba poka pakumupala nukumupalizya u Mwene. Abantu babo bakalizyanga amapati nu malimba ni vyimbilo ivinji bakakwezya amazyu ghabo pakumupala u Mwene nukwimba ukuti, “U Chala mwiza, ulughano lwache ulwa bwila na bwila.” Ibingu likizula mu Nyumba iya Mwene,