Masalimo 15:5 - IBAYIBOLO 2024

⁵ Bo bantu babo bakukopezya indalama ukusita ukupokelapo izyapamwanya, sona batakupokela amabeko ukuti babayivyanje babo bate ninongwa. Babo bakubomba bunubu batakwiza pakuyingana nalumo.

Masalimo 15:5 Iomraidhean Croise

Masalimo 106:3

Basayiwa babo bakubombela mubwanaloli, babo akabalilo kosi bakubomba ingolosu.

Masalimo 112:6

Naloli atakwiza pakuyingana nalumolumo, umuntu umugholosu atakuluviwapo nalumo.

Masalimo 16:8

Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Masalimo 55:22

Mupe u Mwene intamyo zyako, po akwiza pakukusunga, pakuti atakwitikizya nalumolumo ukuti abantu bache abagholosu bawanje.

Ukufuma 22:24

Po nkwiza pakubakalalila nukubaghogha nu bwite. Abachi binyu bakwiza pakuba bafwilwe, sona abana binyu bakwiza pakuba balanda.

Ukufuma 22:25

“Nanti mukumukopezya indalama umuntu umupotwe pakasi papinyu, mutakabombaye ngati mumo abakopezya ndalama bakubombela pakumufyenga ukuti alipile izyakukabilapo.

Ivyili 10:30

Abagholosu batakunyunkuliwanga nalumolumo, loli ababibi batakwiza pakwikalamo muchisu.

Ivyili 12:3

Umuntu atangikalana pakubomba ububibi, loli umuntu umugholosu atanganyunkuliwa.

Ivyili 15:27

Umupafu akubitizizya abamunyumba yache intamyo, loli yuyo aghabengite amabeko akuba nubumi.

Yesaya 33:15

Yuyo akwenda mubugholosu, nukunena ubwanaloli, yuyo akukana pakubazimbula abapina nukukana amabeko, sona nukwighalila amakutu ghache, ukuti ghaleke pakwivwa nizya bughoghi, nukwighalila amaso ghache, ukuti ghaleke pakwennya ububibi

Ezekiyeli 18:17

Akwilema pakubomba imbibi, sona atakukopezya abantu indalama ukuti akabilepo izyapamwanya. Akughasunga amalamulo ghane ni ndaghilo zyane. Atakwiza pakufwa pachifukwa icha mbibi iya wise, loli akwiza pakuba mumi.

Ezekiyeli 18:27

Loli nanti umuntu umubibi yula akubuleka ububibi bwache bubo abomba nukubomba ubwanaloli nu bugholosu, akwiza pakubupoka ubumi bwache.

Ezekiyeli 18:8

Atakubakopezya abantu indalama ukuti akabilepo izyapamwanya, pamo ukuti ababikilayepo izinji. Umuntu uyu akukana pakubomba imbibi, yuyo akubalongannya abantu mubwanaloli.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Matayi 26:15

Akabalalusya akati, “Nanti namubika u Yesu munyobe zyinyu, nkimba mukwiza pakumpa ichoni?” Bakabelengela isalabazya izya siliva 30 nukumupa.

Yohani 13:17

Pakuti ilelo muzimenye zinizi, mwe basayiwa nanti mukuzibomba.

Ukukumbusya Amalamulo 16:19

Mutakabunyongannye ubugholosu pamo ukulonga inongwa pakwennya icheni icha muntu. Mutakapokelaye amabeko pakuti amabeko ghakubighalila amaso abantu abamahala, sona ghakunyongannya ubwanaloli.

Ukukumbusya Amalamulo 23:21

Nanti walapa ichintu chimo kwa Mwene, u Chala wako, utakazyelaye, pakuti u Mwene u Chala wako akwiza pakuchilonda ichintu chilachila, po ukwiza pakuba ninongwa nanti utakuchikwanilisya.

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”