Masalimo 15:3 - IBAYIBOLO 2024

³ Abantu banaba bo babo batakuyeba, sona babo batakubabombela abapalamani babo ububibi pamo ukubanena akabibi abanji.

Masalimo 15:3 Iomraidhean Croise

Ivyili 22:10

Nanti wamuchimbizya umuntu uwalobezyo, kokuti wamazya ivyongo, naloli ukudalinkana nu musamu vikumala.

Ivyili 25:3

Ngati mumo kumwanya kubeleye kubutali, sona namumo chibeleye ichisu ichapasi ubwibizu, momumo zibeleye ni nyinong'ono izya mwene mubusita kumanya kwache.

Yesaya 56:2

Musayiwa umuntu yuyo akubomba zinizi, umuntu yuyo ali nulweke pakuzibomba, yuyo akulisunga Isiku Ilyakutuzya, sona atakulinangannya, nukwikanizya pakubomba ububibi.”

Aba Levi 19:16

Utakendakendaye uku na uku pakubalumannya abantu, sona utakabombaye nachimo ichintu chicho chingamupelela umupalamani wako ubufwe. Ane ne Mwene.

Matayi 7:12

“Mubabombelaye abantu abanji vivyo amwe mukulonda ukuti bababombelaye. Ichi cho chicho Indaghilo izya Mozesi nu bumanyisi ubwa balaghuzi vikumanyisya.

Aba Loma 1:30

nukobezannya benebene, balwani aba Chala, sona bali na madinko, bamituvyo na bakwikwezya, bakwata ivibibi; batakwivwila abapapi babo;

Aba Loma 12:17

Utakatanizyanje ububibi pabubibi. Yezya pakubomba ivintu vivyo vyiza pamaso pabantu bosi.

Aba Loma 13:10

Nanti umuntu amughana uwamwabo, atangamubombela nachimo ichibibi. Ichi cho chifukwa nanti umuntu akumughana uwamwabo, kokuti akuzikonka Indaghilo zyosi.

Titi 3:2

Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

3 Yohani 1:11

Mwee bamanyani bane abaghaniwa, mutakeghelelaye chicho chibibi, loli mweghelelaye chicho chiza. Umuntu wesi yuyo akubomba ichiza mwana uwa Chala. Loli umuntu wesi yuyo akubomba ichibibi atamwenizyepo u Chala.

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.