Masalimo 15:2 - IBAYIBOLO 2024

² Banaba bo babo bate ni chilema nachimochimo, babo bakubomba ingolosu, sona bo babo bakunena ubwanaloli ukufuma pasi pamoyo ghabo.

Masalimo 15:2 Iomraidhean Croise

Masalimo 24:4

Kokuti muntu yuyo inyobe zyache swepu, sona umoyo wache ghope mugholosu. Yunuyu we muntu yuyo atakubikilako umoyo wache pavintu ivyabulo, pamo ukulapa ivyabumyasi.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 20:7

Umugholosu weyuyo ali nubumi bubo bute ni chilema nachimochimo, sona basayiwa abana bache babo bakweghelela inkalo yache.

Ivyili 28:18

Umuntu yuyo ate ni chilema nachimochimo akuba mumutende, loli yuyo imbombo zyache nyonganu akuwila muchiliba.

Yesaya 33:15

Yuyo akwenda mubugholosu, nukunena ubwanaloli, yuyo akukana pakubazimbula abapina nukukana amabeko, sona nukwighalila amakutu ghache, ukuti ghaleke pakwivwa nizya bughoghi, nukwighalila amaso ghache, ukuti ghaleke pakwennya ububibi

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Mika 2:7

Wee Izilayeli, nkimba Umuzimu uwa Mwene akalaye? Nkimba akuvibomba ivintu ngati vinivi? Fwandi amazyu ghane ghatakubomba inyiza, ku muntu yuyo izila zyache ngolosu?

Luka 1:6

Bosi babili bakaba bantu abagholosu pamaso pa Chala nukukonka akiza indaghilo na malamulo ghosi agha Mwene.

Imbombo 10:35

loli akumupokela umuntu wesi yuyo akumwiputa nukubomba chicho chigholosu ukusita pakwennya uluko lwache.

Aba Loma 2:10

Loli u Chala akwiza pakubapa ubuchindamu, umuchizi nu mutende abantu bosi babo bakubomba inyiza, ukwandila naba Yuda, po sona na bantu babo bate ba Yuda bulo.

Aba Galatiya 2:14

Bo nennya ukuti batakubomba ukuyana nu bwanaloli ubwa Mazyu Amiza, nkamubuzya u Pitala pamaso pa bosi ukuti, “Awe we mu Yuda, loli awe wabombagha ngati po we muntu yuyo ate mu Yuda. Po ukubafyenga bulibuli abantu babo bate ba Yuda ukuti babombaye ngati po ba Yuda?”

Aba Efeso 2:10

Pakuti twe vimatiwa ivya Chala, yuyo akatupela ukwendela mwa Kilisitu u Yesu ukuti tubombe imbombo inyiza zizyo akatuyanizya zila ukuti tuzibombaye.

Aba Efeso 4:25

Polelo muleke pakutamanta. Umuntu wesi anenaye ubwanaloli ku mupalamani wache, pakuti twebosi twe vigaba ivya mubili ghoka.

Aba Kolosi 3:9

Mutakatamantilanaye pakuti mwavula ubuntu bwinyu ubwakale, poka ni mbombo zyache zyosi,

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu

1 Yohani 2:29

Nanti muzimenye ukuti u Kilisitu mugholosu, kokuti muzimenye sona ukuti umuntu wesi yuyo akubomba ubugholosu, mwana wa Chala.

1 Yohani 2:6

Umuntu wesi yuyo akwinena mwene ukuti ali mwa Chala, endaye ukuyana namumo u Yesu akendelagha.

1 Yohani 3:7

Mwee bana bane, patakabepo nayumo umuntu uwakubazimbula! Umuntu wesi yuyo akubomba chicho chigholosu wepe bulo mugholosu, ukuyana namumo u Kilisitu abeleye.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”