Masalimo 149:4 - IBAYIBOLO 2024

⁴ Pakuti u Mwene akuhoboka na bantu bache, sona abakwiyisya akubapa ubupoki.

Masalimo 149:4 Iomraidhean Croise

Masalimo 117:2

Pakuti ulughano lwache papitu lukulu nkani, sona ubusubiliwa ubwa Mwene, bwa bwila na bwila. Mumupalaye u Mwene.

Masalimo 132:16

Abaputi bache akwiza pakubavwika inkazo izya bupoki, po abantu bache abazelu, bakolomokaye nu lusekelo.

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 22:8

Bakuti, “Amusubiye u Mwene muleke amupokaye, muleke amupokaye pakuti ahobokite nawe.”

Masalimo 35:27

Balulutilaye nukusekela abantu babo bakulonda ukubwennya ubugholosu bwane, akabalilo kosi batinji, “U Mwene akweziwanje, akuhoboka nkani nu bwiza ubwa mubombi wache.”

Masalimo 90:17

Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Ivyili 11:20

U Mwene ababengite abantu aba moyo amabibi, loli akuhobokagha na babo bali ni nkalo inyiza.

Inyimbo izya Solomoni 1:11

Tukwiza pakukuyanizya indelebele izya golide, sona ni vyakwibonesekezya akiza ivya siliva.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Aba Hebeli 12:10

Abatata bitu aba muchisu ichapasi bakatufunda pakabalilo akapimpa bulo ukuyana namumo bakinong'onelagha ukuti chiza, loli u Chala akutufunda ukuti tukabepo chimo ichiza, umwakuti tungagabana nawe ubuzelu bwache.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.

1 Pitala 5:5

Umwakuyana bulo, namwe mwe balumendo, mubivwilaye abantu abasongo. Mwebosi mubanje nu moyo uwakwiyisya bo mukubombelana mwebenebene pakuti Amasimbo ghakuti, “U chala akubasusya abantu abamituvyo, loli akubalanjizya ichisa abantu abakwiyisya.”

Ubuvumbuli 7:14

Nkamwamula nkati, “Mwene wane, wewe uzimenye.” Po akambuzya akati, “Aba bo bantu babo bapona pakuvwimiwa ukukulu nkani. Bachapite inkazo zyabo nukwiswefya bene ni banda ilya Mwana uwa ng'ozi.