Masalimo 148:8 - IBAYIBOLO 2024

⁸ nawe kamesya ni vula iya mabwe nu kabefu sona na mabingu ni mpepo iyamaka mwe mukukwanilisya indaghilo izya Mwene,

Masalimo 148:8 Iomraidhean Croise

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Yobu 37:12

Amabingu ghakuzyungulilazyungulila pachisu chosi nukubomba chosi chicho aghalamula.

Masalimo 103:20

Mwee bantumi bache, mupalaye u Mwene, kokuti mwe bamaka mwe mukuzikonka indaghilo zyache mupalaye u Mwene.

Masalimo 18:12

Pachifukwa icha kulama kuko kukaba pamaso papache mukafuma ivula iya mabwe numoto uwa mazimwa.

Ukufuma 10:13

Po u Mozesi akagholosezya indisa yache mumwanya pachisu icha Ijiputi. U Mwene akayipela impepo iyakubufumilo bwizuba pakuputila pachisu umusanya nu busiku. Pandabindabi umakanta akasata posi na posi.

Ukufuma 10:19

Po u Mwene akayipela impepo iyakubufumilo bwizuba pakuba mpepo iyamaka iya kubwinjililo bwizuba, yiyo yikapupusizya umakanta yula mu Nyanja Inchesamu. Atakasyalamo nayumoyumo umakanta mu Ijiputi.

Ukufuma 14:21

Po u Mozesi akagholosezya inyobe yache panyanja, po u Mwene akayipela impepo iyamaka iyakubufumilo bwizuba pakukukila panyanja busiku bosi. Inyanja yila yikanduka pakuba chisu ichumizu, sona amizi ghakagabinkana.

Yesaya 66:16

Pakuti u Mwene akwiza pakulongela numoto, nu bwite pabantu bosi, sona abinji bakwiza pakughoghiwa nu Mwene.

Yoweli 2:30

Nkwiza pakubomba iviswigho kumwanya na pachisu ichapasi, kokuti ibanda, numoto sona ni lyosi vikwiza pakuba ngati libingu.

Aba Levi 10:2

U Mwene akatuma umoto uwakwaka nukubocha, po bakafwila palapala pamaso pa Mwene.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 7:4

Izi zyo zizyo u Mwene Uwamaka Ghosi akandanjizya: Akitizya indimi izya moto ukuti abafunde abantu, po zikalungulizya inyanja inkulu nkani nukunangannya amaghunda ghosi pachisu ichapasi.

Yona 1:4

Loli u Mwene akatuma impepo iya maka panyanja, sona amayigha aghakoghofya ghakavunduka umwakuti ubwato bula bukaba papipi pakunanganika.

Yona 1:5

Abendezya ubwato bakanyila nkani, po umuntu wesi akanda pakumulilila uchala wache. Bakasumbila ukatundu wabo munyanja mula umwakuti ubwato bwabo bupepuke. Pakabalilo kosi kanaka u Yona akikila pasi pa bwato mukasi, kuko akalambalala nukughona utulo utwakufwa nato.

Ukubelengiwa 16:35

Po u Mwene akabawisizya umoto uwakwaka nukubalungulizya abantu 250 bala, babo bakafukizya utwakununkila.

Yoshwa 10:11

Bo bakubachimbila aba Izilayeli ukwika pighamba ilya Beti Holoni mupaka ku Azeka, u Mwene akabawisizya ivula iya mabwe amakulu nkani, umwakuti abantu abinji nkani bakafwa ni vula iya mabwe yila, ukubachila babo bakaghoghiwa naba Izilayeli.

Ubuvumbuli 16:21

Amabwe amakulu aghavula ghagho ubung'wamu ubwa libwe lyoka bukabanga amakilogalamu 50, ghakabawila abantu ukufuma kumwanya. Loli pope bulo abantu banaba bakamughuna u Chala pachifukwa icha mabwe aghavula ghala, pakuti chikaba chiwaya ichikulu nkani.