Masalimo 148:14 - IBAYIBOLO 2024

¹⁴ Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 148:14 Iomraidhean Croise

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 145:10

Wee Mwene, ivya bumi vyosi vikwiza pakukupala bope abantu bako abazelu bakwiza pakukuchindika.

Masalimo 149:9

pakubapa ulufundo ukuyana namumo u Chala akalamulila. Bunubu bo buchindamu ubwa bantu bache abasubiliwa bosi. U Mwene apaliwanje.

Masalimo 75:10

Nkwiza pakuzidumula impembe izya bantu bosi ababibi, loli nkwiza pakuzikwezya impembe izya bantu abagholosu.

Masalimo 89:17

Pakuti awe we buchindamu bwabo sona we maka ghabo, po ichisa chako chipaliwanje.

Masalimo 89:18

Naloli ingulu yitu ya Mwene, u mwene witu we Muzelu uwa ba Izilayeli.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Luka 1:52

Abawisya abamwene abamaka pa vitengo vyabo, nukubakwezya abakwiyisya.

Luka 2:32

Wavumbula ulukozyo ukuti lubalamile abantu babo bate ba Yuda nukwiza pakuba buchindamu kuba Izilayeli.”

Aba Efeso 2:13

Losi ulu mwebosi amwe mwe kale mukaba kubutali nu Kilisitu u Yesu mwabuziliwa kupipi ni banda ilya Kilisitu.

Aba Efeso 2:17

Po u Kilisitu akiza nukulumbilila umutende kukwinyu, amwe mwe mukaba kubutali nu Chala, sona na bantu babo bakaba papipi nawe.

Aba Efeso 2:19

Polelo mute sona bayeni pamo basamile, awe. Loli mwe benekaya poka na bantu abazelu aba Chala, sona mwe ba mu Nyumba iya Chala.

Ukukumbusya Amalamulo 10:21

Mumupalaye pakuti we Chala winyu, yuyo akababombela ivintu ivikulu ni viswigho ivyakoghofya vivyo mukavyennya na maso ghinyu.

Ukukumbusya Amalamulo 4:7

Nkimba lulipo uluko ulunji ulwa bantu, manyi lungaba lukulu nkani, lulo luli papipi nu Chala wabo, ukuyana namumo u Mwene witu abeleye papipi naswe?

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.

1 Samuweli 2:1

U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!