Masalimo 147:6 - IBAYIBOLO 2024

⁶ U Mwene akubakwezya abantu abakwiyisya, loli akubisya pasi abantu ababibi.

Masalimo 147:6 Iomraidhean Croise

Masalimo 145:14

U Mwene akubavwa abantu bosi babo bakuwa, sona akubakwezya bosi babo bakwipunula.

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 25:9

Akubalongozya abantu abakwiyisya pakubomba ingolosu, sona abakumanyisya izila zyache.

Masalimo 37:11

Loli abantu abakwiyisya bakwiza pakupyana ichisu sona bakwiza pakwilagha umutende ghugho ghutakubelengiwa.

Masalimo 41:13

U Mwene u Chala uwa ba Izilayeli, apaliwanje pakabalilo aka bwila na bwila. Ameni! Ameni!

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Malaki 4:3

“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.

Matayi 5:5

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

Yakobo 4:10

Mwiyisyanje mwebene pamaso pa Mwene, po akwiza pakubakwezya.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.

1 Pitala 5:6

Mwiyisyanje mwebene pamaso pa Chala uwamaka, umwakuti abakwezye pakabalilo kache akiza.

1 Samuweli 2:8

Akubakwezya abapina ukufuma palufumbi, nukubanyamusya abapotwe ukufuma pachituntululu icha itoyi. Akubikazya poka na bamwene, nukubapa ichitengo icha muchizi. “Ulwalo ulwa chisu ichapasi lwa Mwene, sona akachikazya ichisu ichapasi palwalo lulalula.