Masalimo 147:2 - IBAYIBOLO 2024

² U Mwene akukazenga sona akaya akakulu nkani aka Yelusalemu, sona akubabungannya aba Izilayeli babo banyampanite kuchisu icha buzya.

Masalimo 147:2 Iomraidhean Croise

Nehemiya 6:15

Pakachilapo amasiku 52, po pisiku ilya 25 ilya mwezi uwa Eluli, ulupaso lula lukamala pakuzengiwa.

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Nehemiya 7:4

Pakabalilo kalakala akaya akakulu nkani aka Yelusalemu kakaba kakulu nkani, loli mukabamo bantu abanandi bulo sona inyumba zitakabamo nyinji.

Masalimo 102:17

Akwiza pakwamula inyiputo izya bapotwe, sona atakwiza pakukusulannya ukulaba kwabo.

Masalimo 51:18

Ubabombelaye ubwiza abantu aba mu Ziyoni, zengagha sona ulupaso ulwa Yelusalemu.

Yesaya 14:32

Nkimba tukwiza pakuzyamula bulibuli intumi izya luko lula? “U Mwene amwikazya u Ziyoni, mumayimba ghache, momumo abantu bakwiza pakubwaghilaghamo ubupoki.”

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 56:8

U Mwene Uwamaka Ghosi yuyo akubabungannya abazya aba mu Izilayeli akuti, “Nkwiza pakubabungannya abantu abanji pakonjelezyapo pa babo ababunganizye kale.”

Yesaya 62:7

utakamupanje ubutuzyo mupaka amwikazye sona u Yelusalemu, nukukapela pakuba kakupaliwa muchisu chosi ichapasi.

Yelemiya 31:10

U Mwene akuti, “Mwee inko, nteghelezya. Lumbilila amazyu ku bantu muvyisu ivya mulubazu ulwa nyanja, munenaye mutinji, ‘Yuyo akabanyampannya aba Izilayeli akwiza pakubabungannya, sona akwiza pakughusungilila umudimo ngati mumo umudimi akusungilila ing'ozi zyache.’

Yelemiya 31:4

Nkwiza pakukuzenga sona, wee Izilayeli, umughaniwa wane, ukwiza pakuzengiwa sona. Po mukwiza pakusenda ivisekeseke, nukubuka pakujina umwabuhobosu.

Yelemiya 32:37

Nkwiza pakubabungannya ukufumila mutwaya tosi tuto nkabachimbizizyamo bo nkalaye nkani. Nkwiza pakubanyosezya ku buzilo bunubu sona nkwiza pakubapela pakwikalagha kunuku umwakufwasa.

Ezekiyeli 38:8

Bo pachilapo amasiku aminji mukwiza pakwitiziwa ukuti mubungane poka. Mumaka agha kuntazi mukwiza pakulwa ni chisu chicho chikapona kubwite, chicho abantu bache bakabungana ukufuma mu inko inyinji mumaghamba agha Izilayeli, ghagho kale ghakaba visami. Abantu bache bakiza ukufuma mu inko, po bosi bakwikala umwakufwasa.

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.

Mika 4:6

U Mwene akuti, “Pakabalilo kalakala nkwiza pakubabungannya abalemazu, nkwiza pakubabungannya abazya, sona na babo imbapeleye ichitima.

Zekaliya 8:7

U Mwene Uwamaka Ghosi akuti, “Nkwiza pakubapoka abantu bane aba kuvyisu ivyakubufumilo bwizuba sona naba kubwinjililo bwizuba.

Matayi 16:18

Pitala nkukubuzya ukuti awe we lyalabwe, pilyalabwe ili nkwiza pakuzengapo ichipanga chane nu bufwe bope bute bukachipote.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.