Masalimo 147:19 - IBAYIBOLO 2024

¹⁹ Akumuvumbulila u Yakobo amazyu ghache, sona akubamanyisya aba Izilayeli indaghilo na malamulo ghache.

Masalimo 147:19 Iomraidhean Croise

Ezila 7:6

U Ezila yunuyu akanda ubulendo bwache mu Babiloni sona akaba mumanyisi pakuti akamanya nkani Indaghilo izya Mozesi, zizyo u Mwene u Chala uwa Izilayeli akamupa. U mwene akamupa ivintu vyosi vivyo akavilondagha, pakuti u Mwene u Chala wache akaba nawe.

Masalimo 103:7

Akamuvumbulila u Mozesi izila zyache, sona akabavumbulila aba Izilayeli imbombo zyache.

Masalimo 76:1

U Chala mumanyikwe nkani mu Yuda, sona itabwa lyache likulu nkani mu Izilayeli.

Masalimo 78:5

Akamupa indaghilo u Yakobo, sona akabapa amalamulo aba Izilayeli, ghagho akabalamula abanyenya bitu, ukuti babamanyisyanje abana babo,

Ezekiyeli 20:11

Nkabapa indaghilo zyane nukubalanjizya amalamulo ghane, ghagho umuntu nanti aghivwila akubanga nubumi.

Hoseya 8:12

Nkabasimbila ivintu ivyinji nkani ivya ndaghilo zyane, loli bakavipima pakuba ngati po vintu viyeni.

Malaki 4:4

“Mulukumbukaye ululaghilo ulwa mubombi wane u Mozesi, indaghilo na malamulo ghagho nkamupa pighamba ilya Sinayi ukuti ababuzye aba Izilayeli bosi.”

Aba Loma 3:2

Ubwiza bulipo nkani pakuba mu Yuda. Ichintu ichakwanda, u Chala akabapa aba Yuda amazyu ghache ukuti baghasungaye.

Aba Loma 9:4

Abene bo ba Izilayeli babo u Chala akabasala ukuti babanje bana bache nukubavumbulila ubuchindamu bwache. U Chala akafingana nabo nukubapa Indaghilo. Bali ni chiputo ichanaloli, sona bapokela vivyo u Chala akabalayizya.

Ukukumbusya Amalamulo 4:1

Po u Mozesi akababuzya aba Izilayeli akati, Mwee ba Izilayeli, ivwa kuno. Mughivwilaye amalamulo ghosi ghagho nkabamanyisya umwakuti mubanje nubumi, sona nukuti mwinjile pakuchifyula ichisu, chicho u Mwene u Chala uwa banyenya binyu akubapa.

Ukukumbusya Amalamulo 4:45

Agha gho mazyu ni ndaghilo, sona na malamulo ghagho u Mozesi akabapa aba Izilayeli, bo bepamo mu Ijiputi.

Ukukumbusya Amalamulo 4:8

Nkimba lulipo uluko ulunji ulwa bantu, manyi lungaba lukulu nkani, lulo luli na malamulo ni ndaghilo ingolosu izyakuyana na zizyo nkubapa ilelo?

Ukukumbusya Amalamulo 5:22

Agha gho malamulo ghagho u Mwene akaghanena umwakukolomoka bo ali mumoto na mwibingu sona na muchisi bo ichilundilo chosi chibunganite pighamba. Ghanagha ghakaba mazyu ghene ghagho u Mwene akaghanena. Akaghasimba pamabwe amapapate mabili nukumpa.

Ukukumbusya Amalamulo 5:31

Loli awe Mozesi, usyalikile poka nane umwakuti nkupe amalamulo ghosi, ni vimanyisyo vyane, sona ni ndaghilo zyane ukuti ubamanyisyanje abantu umwakuti bazikonkaye muchisu chicho nkubapa.”

Ukukumbusya Amalamulo 6:1

Agha gho malamulo ni ndaghilo, sona na zyosi zizyo u Mwene u Chala winyu akandamulila ukuti imbamanyisye umwakuti muvikonkaye muchisu chicho mukwiza pakwikalamo,