Masalimo 147:14 - IBAYIBOLO 2024

¹⁴ Akupela umutende mumpaka zyako, sona akukwikutisya nu busu ubutinye ubwa ngano.

Masalimo 147:14 Iomraidhean Croise

1 Imbili 22:9

Loli ukwiza pakuba nu mwana umulumendo, yuyo akwiza pakuba muntu uwamutende, sona nkwiza pakumupoka munyobe izya balwani bache bosi. Itabwa lyache akwiza pakuba we Solomoni, sona nkwiza pakubapa aba Izilayeli umutende nukufwasa pakabalilo kache.

Masalimo 122:6

Mwiputilaye umutende uwamu Yelusalemu mutinji, “Abantu babo bakughanite ivintu vibendelaye akiza.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Masalimo 132:15

Nkwiza pakukasaya akaya akakulu nkani ni vyakulya ivyinji nkani, abantu babo bapina mukaya kala, bakwiza pakubapanga nivyakusobelwa.

Masalimo 29:11

U Mwene akubapa amaka abantu bache, u Mwene akubasaya abantu bache nu mutende.

Masalimo 81:16

Ngali nabalyesya ichibama ichiza, sona nukubikusya nu buchi ubwa mumpako.”

Yesaya 66:12

U Mwene akuti, “Nkwiza pakubapa umutende ngati lusoko, sona nu bukabi ubwa inko ngati kasoko akakwizula, mukwiza pakonka nukupakatiwa sona nukupumiziwa.

Ezekiyeli 16:13

Po ukayaniziwa nu golide nu siliva, amenda ghako ghakaba matonte sona aghakulabiwa aghamutengo uwapamwanya. Ichakulya chako chikaba cha busu ubutinye nu buchi na mafuta agha misyunguti. Ukaba we wakuboneka akiza nkani sona ukakweziwa pakuba we mwene umukolo.

Ezekiyeli 27:17

“ ‘Ichisu icha Yuda nicha Izilayeli vikaghulizannyanga nawe. Vikaghulizannyanga ingano iyakufuma ku Miniti ingano nu buchi na mafuta agha misyunguti sona na mafuta aghakununkila.

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Zekaliya 9:8

Ane nkwiza pakuba ne mulindilili uwa chisu, umwakuti atakabepo uwakwendamo. Nayumoyumo umuyivyi akwiza pakubapota abantu bane, pakuti ilelo nkubenelezya.

Ukukumbusya Amalamulo 32:14

Akabang'wesya ulukama lwang'ombe nulwa ng'ozi, akabalyesya inyama iya ng'ozi niya mbuzi inyine. Akabalyesya inyama inyiza nkani iya badubi aba ku Bashani, ni ngano inyiza nkani nu vinyo umunoni.