Masalimo 147:11 - IBAYIBOLO 2024

¹¹ U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 147:11 Iomraidhean Croise

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 33:18

Loli amaso agha Mwene ghali pabantu babo bakumuchindika, kokuti abantu babo bamusubiye, pachifukwa icha lughano lwache, lulo lutakupotwangapo nalumolumo.

Masalimo 33:22

Wee Mwene ulughano lwako lulo lutakupotwangapo nalumolumo lubanje naswe, pakuti tukusubiye wewe.

Masalimo 35:27

Balulutilaye nukusekela abantu babo bakulonda ukubwennya ubugholosu bwane, akabalilo kosi batinji, “U Mwene akweziwanje, akuhoboka nkani nu bwiza ubwa mubombi wache.”

Ivyili 11:20

U Mwene ababengite abantu aba moyo amabibi, loli akuhobokagha na babo bali ni nkalo inyiza.

Ivyili 31:30

Akabonekele akiza kangamuzimbula umuntu, loli umukolo yuyo akumuchindika u Mwene apaliwanje.

Yesaya 62:4

Utakwiza pakuneniwa sona, ukuti we “Wakulekiwa,” pamo ichisu chako, ukwitiziwa ukuti, “Chisami.” Loli ukwiza pakwitiziwa ukuti, “U Chala ahobokite nawe.” Ichisu chako chikwiza, pakwitiziwa ukuti, “Sendwa.” Pachifukwa ichakuti, u Mwene ahobokite nawe, sona ukwiza pakuba, ngati we mulume kuchisu chako.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Ukubelengiwa 14:8

Nanti u Mwene angatupelela ichisa, akwiza pakutwinjizya muchisu icha mboto chinichi nukutupa pakuba chitu ni chitu.

1 Pitala 1:13

Polelo yannya amoyo ghinyu pakubomba imbombo. Mubanje maso, sona mubikayepo ulusubilo lwinyu losi palusayo lulo mukwiza pakupokela, bo u Yesu Kilisitu avumbuliwa.

1 Pitala 1:17

U Chala yuyo mukumwitizya ukuti Tata atakubomba ivintu pakwennya icheni, loli akubalonga abantu ukuyana ni mbombo zyabo. Polelo mubaghiye pakumuchindika u Chala pakabalilo kako mukwikala ngati mwe bayeni muchisu ichapasi.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.