Masalimo 146:9 - IBAYIBOLO 2024

⁹ U Mwene akubasungilila abayeni, sona akubavwa abana abalanda na bakolo abafwilwe, loli akubavulungannya abantu ababibi.

Masalimo 146:9 Iomraidhean Croise

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

2 Samuweli 17:23

Bo u Ahitofeli ennya ukuti abantu bakitinkana ni fundo yiyo akababuzya, akakwela impunda yache nukubwela. Akakayannya akiza bulo akaya kache nukwipinyilila. Po akafwa nukusyiliwa mwipumpa ilya wise.

Esitele 5:14

Umuchi u Zeleshi poka na bamanyani bache bosi bakamubuzya bakati, “Upange ichikwi icha mamita 23 mumwanya. Pandabindabi umulabe u mwene ukuti u Molodikayi apayikiwanjepo. Po ubukaye poka nu mwene kulusekelo umwakuhoboka.” Ifundo yiniyi yikamuhobosya nkani u Hamani, umwakuti akapangisya ichikwi chila.

Esitele 7:10

Po bakamupayika u Hamani pikwi lilyo akapanga ukuti amupayikepo u Molodikayi. Pisinda pache ubukali ubwa mwene bukatozoka.

Esitele 9:25

Loli bo u mwene azyaghannya zizyo akalondagha pakubomba, akabika ululaghilo ulusimbe ulwakuti ichintu ichibibi chicho u Hamani akabatika pakubabombela aba Yuda chimuwile yuyo. Po u Hamani na bana bache bakapayikiwa pikwi.

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 147:6

U Mwene akubakwezya abantu abakwiyisya, loli akubisya pasi abantu ababibi.

Masalimo 18:26

Ku bantu abazelu, ukubanga we muzelu, loli ku bantu abanyonganu, ukubanga we muchevu nkani.

Masalimo 68:5

Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Ivyili 15:25

U Mwene akuyimongolannya inyumba iya muntu uwa mituvyo, loli akuyenelezya impaka izya mukolo umufwilwe.

Ivyili 4:19

Loli izila iya bantu ababibi yili ngati chisi ichakoghofya, batakuchimanya na chicho chibapunuzizye.

Yelemiya 49:11

Baleke abana abalanda, nkwiza pakubusungilila ubumi bwabo. Bope abakolo abafwilwe bakwiza pakunsubila.”

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

1 Aba Kolinti 3:19

Pakuti amahala agha bantu aba muchisu ichapasi, bo bupunganu pamaso pa Chala. Pakuti Amasimbo ghakuti, “U chala akubategha abamahala mubuchevu bwabo.”

Ukukumbusya Amalamulo 16:11

Po amwe poka na bana binyu abalumendo na balindu na bambombo binyu abalumendo na balindu naba Levi na bayeni na balanda sona na bakolo abafwilwe babo bakwikala mutwaya twinyu musekelaye pamaso pa Mwene u Chala winyu pabuzilo bwache ubwakwikalamo bubo akwiza pakubusala.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.