Masalimo 146:8 - IBAYIBOLO 2024

⁸ U Mwene akubighula amaso abafwamaso, u Mwene akubakwezya babo bakwipunula, sona abaghanite abagholosu.

Masalimo 146:8 Iomraidhean Croise

Masalimo 11:7

Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.

Masalimo 145:14

U Mwene akubavwa abantu bosi babo bakuwa, sona akubakwezya bosi babo bakwipunula.

Masalimo 147:6

U Mwene akubakwezya abantu abakwiyisya, loli akubisya pasi abantu ababibi.

Yesaya 35:5

Abafwamaso bakwiza pakwennya, sona abamapuli bakwiza pakwivwa.

Yesaya 42:16

Nkwiza pakubalongozya abafwamaso muzila zizyo batazimenye, nkwiza pakubalongozya muzila zizyo mutenditemo nalumolumo. Nkwiza pakuchipela ichisi pakuba lukozyo pantazi papabo, ubuzilo ubwa vibanka butenganiziwe. Ivi vyo vivyo nkwiza pakubomba, ntakwiza pakubaleka nalumo.

Yesaya 42:18

“Ivwa kuno, amwe mwe bamapuli, Ennya, amwe mwe bafwamaso sona mwenelezye!

Matayi 11:5

Abafwamaso bakwennya, babo bafuye ivinama bakwenda, na bamambombo bakuswepa, na bamapuli bakwivwa, na bantu abafwe bakuzyuka kubufwe, sona Amazyu Amiza ghakulumbililiwa pakasi pabantu abapina.

Matayi 9:30

Amaso ghabo ghakighuka. U Yesu akabasoka nkani akati, “Mutakamubuzyepo yumo.”

Yohani 16:27

pakuti Utata umwenecho abaghanite amwe. Abaghanite amwe pakuti amwe munganite, sona musubiye ukuti nkafuma kwa Chala.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

2 Aba Kolinti 7:6

Loli u Chala, yuyo akusangalusya abantu babo bawa amaka, akatusangalusya nukwiza ukwa Titi.

Aba Efeso 1:18

Nkwiputa sona ukuti Umuzimu Umuzelu ighule amoyo ghinyu umwakuti mulwennye ulukozyo lwache umwakuti mungalumanya ulusubilo, lulo u Chala akabitizizya. Nalondagha sona ukuti mumanye ukukula kwache ukwa bukabi nu lusayo, lulo u Chala akabalayizya abantu bache.

Ukukumbusya Amalamulo 33:3

Naloli u Mwene abaghanite abantu bache, sona abantu bako bosi bali munyobe zyache. Po bakufughama munyayo zyache, sona bakupokela ivimanyisyo vyache.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.