Masalimo 146:7 - IBAYIBOLO 2024

⁷ Akubabombela mubwanaloli babo bakuyivyiwa, sona akubapa ichakulya babo bali nizala. U Mwene akubasatula abakayidi.

Masalimo 146:7 Iomraidhean Croise

Masalimo 10:18

Ubimilaye abalanda na bakuyiviwa ukuti umuntu wesi, yuyo akwikala pachisu ichapasi, atakaboghofyanje sona.

Masalimo 103:6

U Mwene akulongela mubwanaloli inongwa izya bantu bosi babo bakuyivyiwa.

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 136:25

Akuvipa ivyakulya ivipeliwa vyosi. Ulughano lwache lwa bwila na bwila.

Masalimo 142:7

Unsatule mujele, umwakuti indipalaye itabwa lyako. Abantu abagholosu bakwiza pakunfukatila, pachifukwa ichakuti wambombela ivintu ivyiza.

Masalimo 35:10

Nu moyo wane ghosi nkwiza pakunena ukuti, “Wee Mwene, nkimba wewenu ayanite nawe? Ukubapoka abapina munyobe izya bantu abamaka ukubachila, sona ukubapoka abapina na bapotwe munyobe izya bantu babo bakubafyula ivintu vyabo.”

Masalimo 68:6

U Chala akubapa babo bali bene bulo ubuzilo ubwakwikalapo, sona akubefya abakayidi mujele nukubapa umutende. Loli abantu abakusambuka akubachimbizizya kuchisu ichumizu.

Masalimo 68:7

Wee Chala, ukabalongozya abantu bako, bo ukwenda munkolongo mula.

Masalimo 72:4

Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yesaya 9:4

Pakuti ukapyola ikoli lilyo likabang'wamila, sona ni ndisa yiyo yikukoma pavimpunko vyabo, wazipota inko zizyo zikabayivya nukubanangannya abantu bako, ngati mumo ukabapotela abasilikali aba Midiyani.

Yelemiya 31:14

Nkwiza pakubikutizya abaputi ni vyakulya ivyinji, sona abantu bakwiza pakubizuzya na vyosi vivyo bakuvilonda. Ane ne Mwene nanena.”

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Luka 1:53

Abazala akubikutizya ni vintu ivyiza nukubabwezya abakabi ni nyobe zyene.

Luka 4:18

“U Muzimu uwa Mwene ali papane pachifukwa ichakuti ampakazya ukuti indumbilile amazyu amiza pakasi pabantu abapina. Antuma ukuti imfumusye ubusatuke ubwa babo bali mujele nukuti abafwamaso bennyanje sona nukubapa ubusatuke babo bakukanyililiwa.

Luka 9:17

Abantu bosi bala bakalya nukwikuta. Po abamanyili bakanyamula ividudunga 12 vivyo vikizula ni vyakusyala.

Imbombo 16:26

Umwakuchenusya bulo kukaba akasenyenta akakulu nkani, umwakuti kakaneng'ennya ulwalo ulwa jele yila. Panapo na panapo inyiyi zikighuka, sona zyope ni mpingu izya bakayidi bosi zikasatuka.

Imbombo 5:19

Loli ubusiku bulabula uwantumi uwa Mwene akighula imilyango iya jele, yikabafumizya kuzi abatumiwa nukubabuzya ukuti,