Masalimo 146:6 - IBAYIBOLO 2024

⁶ umupeli uwakumwanya ni chisu ichapasi, poka ni nyanja na vyosi vivyo vili mulamula u Mwene musubiliwa bwila na bwila.

Masalimo 146:6 Iomraidhean Croise

Ubwandilo 1:1

Ukwandila ko kubwandilo u Chala akapela kumwanya ni chisu ichapasi.

Masalimo 100:5

Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 115:15

U Mwene abasaye, yuyo we Mupeli uwakumwanya ni chisu ichapasi.

Masalimo 117:2

Pakuti ulughano lwache papitu lukulu nkani, sona ubusubiliwa ubwa Mwene, bwa bwila na bwila. Mumupalaye u Mwene.

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Masalimo 89:2

Ifumusyanje ulughano lwako ukuti ulwa bwila na bwila, po ubusubiliwa bwako ubwa bwila na bwila ngati mwanya.

Masalimo 89:33

Pope bulo ntakwiza pakwefya ulughano lwane papache, sona ntakwiza pakuba ne musubiliwa.

Masalimo 95:5

Inyanja yache, pakuti weyuyo akayipela, sona inyobe zyache zyo zizyo zikachimata ichisu ichapasi.

Masalimo 98:3

Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Ukufuma 20:11

“Pakuti mumasiku sikisi u Mwene akapela kumwanya ni chisu ichapasi, poka ni nyanja, sona na vyosi vivyo vili mulamula, loli nkatuzya pisiku ilyaseveni. Ichi cho chifukwa ane ne Mwene nkalisaya Isiku Ilyakutuzya pakuba lizelu.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Daniyeli 9:4

Nkiputa kwa Mwene u Chala wane nukwilata imbibi zyane nkati, “Wee Mwene, we Chala umukulu sona nu wakuswighisya, ukukwanilisya ulufingo lwako nukubaghana abantu babo bakughanite nukughakonka amalamulo ghako.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Yohani 1:3

U Chala akapela vyosi ukwendela mumwache, nanti atakabangako, ngali katakabako nakamokamo akapeliwa.

Yohani 10:34

U Yesu akabamula akati, “Chisimbiwe mu Ndaghilo zyinyu ukuti u Chala akati, ‘Amwe mwe bachala.’

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Ukukumbusya Amalamulo 7:9

Polelo mumanye ukuti u Mwene u Chala winyu we Chala, sona we musubiliwa umwakuti akwiza pakulusunga ulufingo ulwakulanjizya ulughano lwache pa nkulilo amasabuzani izya bantu babo bamughanite nukukonka amalamulo ghache.

Aba Kolosi 1:16

Pakuti ukwendela mumwache, u Chala akapela ivintu vyosi ivya kumwanya nivya muchisu ichapasi, ivyakuboneka na maso, sona vivyo vitakuboneka na maso, manyi bamwene, manyi basongosongo, manyi balaghili, manyi bamaka. U Chala akapela ivintu vyosi ukwendela mumwache.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Aba Hebeli 6:18

Pali ivintu vibili, vivyo vitanganduka, sona muvivyo u Chala atangatamanta. Po aswe twe twabwagha ubupoki na yuyo, twakaziwa nkani umoyo pakulemezya ulusubilo, lulo atubikiye pantazi papitu.

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”