Masalimo 146:4 - IBAYIBOLO 2024

⁴ Nanti umuntu afwa, akunyokela kwitope, po pisiku lilalila imbatiko zyache zikumalila palapala.

Masalimo 146:4 Iomraidhean Croise

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Ubwandilo 3:19

Ukwiza pakutwinkagha nkani mubumi bwako bosi ukuti uchaghe ichakulya, mupaka unyokele sona kwitope. Pakuti ukafumila kwitope, po ukwiza pakunyokela kwitope.”

Ubwandilo 6:17

Nkwiza pakutuma amizi aghakwizula pachisu ichapasi, umwakuti ghanangannye ivintu vyosi ivya bumi. Ivintu vyosi pachisu ichapasi vikwiza pakuzimila zila.

Yobu 14:10

Loli umuntu akufwa nukusyiliwa mwipumpa; akufuta akabumalilo, po atakubako sona.

Yobu 14:21

Nanti abana bache abalumendo bakuchindikiwa, atakuzimanyagha napo panadi. Nanti bakukoziwa isoni, atakuzyennya nalumolumo.

Yobu 17:1

Umuzimu wane wavulala, amasiku ghane ghamala kale, sona ipumpa likundindililila.

Yobu 17:11

Amasiku ghane ghamala, vivyo nkabatika pakuvibomba vyapotwa, sona vivyo umoyo wane wanyonywanga vyope vyamala.

Yobu 27:3

ukuti bo inchili indi nubumi, sona bo nkufuta umuyi uwa Chala mumpuno zyane,

Masalimo 104:29

Nanti ukuvipa inkonto, vikuba nubogha, nanti wafyula umuyi, vikufwa nukunyokela kwitope.

Masalimo 33:10

U Mwene akuzivulungannyanga imbatiko izya inko imbibi, sona akuzipelagha pakuba zyabulo inyinong'ono izya luko.

Masalimo 90:3

Ukubanyosezya abantu kulufumbi nukuti, “Mwee bana ba bantu nyokela kulufumbi.”

Umulumbilili 12:7

Bo ulufumbi lukunyokela kwitope, sona umuzimu ghukunyokela kwa Chala yuyo akapela.

Umulumbilili 9:6

Ulughano nu lubengo lwabo, sona na kabini kabo vyosi vikamala. Batakusendapo sona ichigaba nachimochimo pavintu vivyo vikubombiwanga pachisu ichapasi.

Yesaya 2:22

Leka pakumusubila umuntu yuyo akufwa, po nkimba umuntu angabavwa ichoni?

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

1 Aba Kolinti 2:6

Loli tukunena amazyu aghamahala na bantu babo bamaka mubuzimu, napapo amahala agha ghate mahala agha masiku agha, pamo agha balaghili aba muchisu ichapasi, babo amaka ghabo ghakumala.