Masalimo 146:10 - IBAYIBOLO 2024

¹⁰ U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 146:10 Iomraidhean Croise

Masalimo 10:16

U Mwene weyuyo akulaghila bwila na bwila, Inko zikwiza pakuzimila muchisu chache.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Masalimo 147:12

Wee Yelusalemu, umuchindikaye u Mwene, wee Ziyoni umupalaye u Chala wako!

Ukufuma 15:18

U Mwene akwiza pakulaghilagha bwila na bwila.”

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 40:9

Awe we ukwiza na mazyu amiza ku Ziyoni, kwela pamwanya pighamba. Awe we ukwiza na mazyu amiza ku Yelusalemu, ukolomokaye, utakanyilaye, tubuzye utwaya utwa Yuda ukuti, “U Chala winyu uyu!”

Yesaya 52:7

Bo bwiza boni pamaghamba, inyayo izya muntu yuyo akwiza na mazyu amiza, yuyo akulumbilila nizya mutende, sona akwiza na mazyu amiza agha vintu ivyiza, akulumbilila nizya ubupoki, nukunena kuba mu Ziyoni ukuti, “U Chala winyu akulaghila!”

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Yoweli 3:17

Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”