Masalimo 145:4 - IBAYIBOLO 2024

⁴ Inkulilo yoka yikwiza pakuyibuzya inkulilo iyinji, sona bakwiza pakufumusya imbombo zyako izyamaka.

Masalimo 145:4 Iomraidhean Croise

Esitele 9:28

Chikadumuliwa ukuti aba Yuda bosi babo bakikalagha muvigaba vyosi sona na mutwaya tosi utukulu nkani baghakumbukilaye amasiku mabili ghanagha, sona nukuti babanje nu lusekelo mumasiku agha Pulimu agha. Patakabanjepo nayumoyumo umuntu uwakughanyazya amasiku aghanji pakasi pa baluko lwabo batakaghaluvyanje.

Yobu 8:10

Nkimba abantu abavula intazi batangakumanyisya? Nkimba batangakwavwa pakubombezya akivwisizye kabo?

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Yesaya 38:19

Abumi, bo babo bakukupala awe, ngati mumo nkubombela ilelo, abatata bakubabuzya abana babo, nizya busubiliwa bwako.

Ukukumbusya Amalamulo 4:10

Mubabuzye nkaninkani nizya isiku lilyo mukimilila pamaso pa Mwene u Chala winyu pighamba ilya Sinayi. Kulakula akambuzya akati, “Ubabungannye abantu. Nkulonda ukuti bivwe amazyu ghagho nkwiza pakunena, umwakuti banganyila pakabalilo kosi aka bumi bwabo, sona nukuti bangabamanyisya na bana babo bulo.”

Ukukumbusya Amalamulo 6:7

Mubamanyisyanje abana binyu. Mughanenaye bo mukwikala pasi munyumba zyinyu, pamo bo mukwenda mumusebo, pamo bo mukughona pabusiku, sona bo mukulamusya pandabindabi.