Masalimo 145:10 - IBAYIBOLO 2024

¹⁰ Wee Mwene, ivya bumi vyosi vikwiza pakukupala bope abantu bako abazelu bakwiza pakukuchindika.

Masalimo 145:10 Iomraidhean Croise

Masalimo 103:22

Mumupalaye u Mwene, imbombo zyache zyosi zimupalaye, kosi na kosi mubumwene bwache. Wee moyo wane, umupalaye u Mwene.

Masalimo 104:24

Wee Mwene, wabomba ivintu ivyinji nkani. Na mahala ghako ukavipela ivintu vyosi, ichisu ichapasi chizuye ni vipeliwa vyako.

Masalimo 149:5

Abantu abasubiliwa basekelaye pachifukwa icha buchindamu bwache, sona bimbaye umwakuhoboka nu lusekelo bo balambalaye pavitala vyabo.

Masalimo 19:1

Kumwanya kukulumbililagha ubuchindamu ubwa Chala, sona mumwanya mukunena ni mbombo izya nyobe zyache.

Masalimo 22:23

Amwe mwe mukumuchindika u Mwene, mupalaye, sona mwebosi mwe baluko ulwa Yakobo, mumuchindikaye! Mumuchindikaye amwe mwebosi mwe baluko ulwa Izilayeli.

Masalimo 30:4

Mwee bantu bache abasubiliwa, mumwimbilaye u Mwene, sona mulipalaye itabwa lyache izelu.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 32:11

Mwee bantu abagholosu, muhobokaye mwa Mwene, sona mwimbaye mwebosi mwe muli na moyo amagholosu.

Masalimo 57:9

Wee Mwene nkwiza pakupalizya pakasi pabantu aba inko izinji, sona nkwiza pakukwimbila inyimbo pakasi pa inko zyosi.

Masalimo 68:26

Mumupalaye u Mwene palukomano ulukulu, sona mumupalaye u Mwene palukomano ulwa ba Izilayeli.

Masalimo 69:35

Pakuti u Chala akwiza pakumupoka u Ziyoni, akwiza pakutuzenga sona utwaya utukulu nkani utwa mu Yuda. Po abantu bakwiza pakusamilamo nukwikala mulamula.

Masalimo 97:12

Mwebosi mwe bagholosu, muhobokaye mwa Mwene, sona mumupalizyanje pakulitambula itabwa lyache izelu.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.