Masalimo 145:1 - IBAYIBOLO 2024

¹ Wee Chala wane sona Mwene wane, nkwiza pakukupalagha. Nkwiza pakulipala itabwa lyako bwila na bwila.

Masalimo 145:1 Iomraidhean Croise

1 Imbili 29:13

Wee Chala witu, tukukupalizya, tukulichindika itabwa lyako ichindamu.

Masalimo 100:1

Mwee bantu bosi aba muchisu ichapasi, mukolomokaye kwa Mwene, pachifukwa icha buhobosu.

Masalimo 118:28

Awe we Chala wane, po nkupalizyanje, sona nkwiza pakufumusya nizya bukulu bwako.

Masalimo 145:21

Umulomo wane ghukwiza pakumupala u Mwene, sona ivipeliwa vyosi vilipalaye itabwa lyache izelu bwila na bwila.

Masalimo 146:2

Nkwiza pakumupala u Mwene mubumi bwane bosi. Nkwiza pakumwimbila u Chala wane bo inchili ne mumi.

Masalimo 149:2

Aba Izilayeli basekelaye, pachifukwa icha Mupeli wabo, abantu aba mu Ziyoni bahobokaye pachifukwa icha Mwene wabo.

Masalimo 30:1

Wee Mwene, nkwiza pakukukwezya pakuti ukampoka, sona utakabitikizya abalwani bane ukuti banyobezyanje.

Masalimo 30:12

Umoyo wane ghukwiza pakukwimbila, sona ghutakwiza pakuba bulo myee. Wee Mwene Chala wane, nkwiza pakukupalizya bwila na bwila.

Masalimo 30:2

Wee Mwene Chala wane, nkakwitizya ukuti unyavwe, po ukampozya.

Masalimo 34:1

Nkwiza pakumupalagha u Mwene akabalilo kosi, sona amapalo ghache ghakwiza pakuba mumulomo wane akabalilo na kabalilo.

Masalimo 44:4

Wee mwene wane wee Chala, yuyo ukamupa u Yakobo ubupoti.

Masalimo 45:1

Umoyo wane wizuye ni pangwi ilyiza, bo indi pakumwimbila u mwene ulwimbo lwane. Ululimi lwane luli ngati chakusimbila icha musimbi yuyo amenye nkani pakusimba.

Masalimo 45:6

Wee Chala ichitengo chako icha bumwene chibanjeko bwila na bwila, sona ukulaghila mubwanaloli mubumwene bwako.

Masalimo 5:2

Wee Mwene wane, sona Chala wane, ivwa ukulila kwane, po unyavwe, pakuti nkwiputa kukwako.

Masalimo 5:3

Wee Mwene wane, pandabindabi ukwivwa izyu lyane, sona pandabindabi nkukubuzya vivyo nkuvilonda, po nkulindilila ukuti unyamule.

Masalimo 52:9

Nkwiza pakukupala bwila na bwila, pachifukwa icha zizyo wabomba. Nkwiza pakulikwezya itabwa lyako pakuti lyiza, sona nkwiza pakukupala pamaso pabantu bako abazelu.

Masalimo 68:4

Mumwimbilaye u Chala, mulipalaye itabwa lyache pakwimba inyimbo. Mumukwezyanje yuyo akwelite pamabingu, yuyo itabwa lyache we Mwene, po musekelaye pamaso papache.

Masalimo 75:9

Loli ane nkwiza pakuzifumusya zinizi bwila na bwila, nkwiza pakumwimbilagha amapalo u Chala uwa Yakobo.

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Masalimo 96:2

Mumwimbilaye u Mwene, sona mulipalaye itabwa lyache, lumbilila nizya bupoki bwache isiku ni siku.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 38:20

U Mwene akwiza pakumpoka, sona tukwiza pakwimba ni vinanda mumasiku, aghabumi bwitu bosi mu Nyumba iya Mwene.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”