Masalimo 144:4 - IBAYIBOLO 2024

⁴ Umuntu ayanite bulo nu muyi, ghope amasiku ghache ghayanite nu muzyezye ghugho ghukuzyebeluka.

Masalimo 144:4 Iomraidhean Croise

2 Samuweli 14:14

Naloli twebosi tubaghiye pakufwa, pakuti tuli ngati mizi ghagho ghakupukila pasi, po ghatanganyokela sona. U Chala atakwefya ubumi ubwa muntu, loli akupela izila iyakuti umuntu yuyo bakamuchimbizya anyokele sona.

1 Imbili 29:15

Wee Mwene uzimenye ukuti aswe twe bayeni bulo pachisu ichapasi ngati banyenya bitu. Amasiku ghitu pachisu ichapasi ghali ngati chizyezye chicho chikuzyebeluka bulo.

Yobu 4:19

po zingaba bulibuli na bantu babo bakwikala munyumba izya kumata, zizyo ulwalo lwache lufumbi, sona zizyo zikumongoka lubilolubilo ngati lumpezu.

Yobu 8:9

Aswe twe babonda aba mumabwila, tutakumanyapo nachimochimo, pakuti amasiku ghitu muchisu ichapasi ghali ngati muzyezye bulo.

Masalimo 102:11

Amasiku ghane ghali ngati muzyezye pachamabwila, sona nkufoka ngati lisote.

Masalimo 109:23

Nkuzyebeluka bulo ngati chizyezye icha pachambwila. Po nkutetema ngati we kanta.

Masalimo 39:11

Ukubachemela abantu pachifukwa icha mbibi zyabo nukubapa amafundwe, ukubunangannya ubukabi bwabo ngati mumo impezu zikubombela, pakuti umuntu ali ngati muyi bulo.

Masalimo 62:9

Abantu bosi bali ngati muyi bulo, abapasi na bapamwanya bosi bayanite bulo. Nanti bapimiwa ni chipimilo batakung'wama, pakuti bosi banaba bayanite bulo nu muyi.

Masalimo 89:47

Ukumbukaye ukuti ubumi bwane bupimpa nkani. Nkimba choni chicho ukamupela umuntu ukuti atakabanje nimbombo nayimo?

Umulumbilili 1:14

Navyennya ivintu vyosi vivyo vikubombiwa pachisu ichapasi ukuti vyosi vite ni mbombo, sona ko kwitamya bulo.

Umulumbilili 1:2

Umulumbilili akati, “Vite ni mbombo. Vyosi vite ni mbombo! Naloli vyosi vite ni mbombo nayimoyimo.”

Umulumbilili 12:8

Umulumbilili akuti, “Vite ni mbombo nayimoyimo. Vyosi vite ni mbombo nayimoyimo.”

Umulumbilili 8:13

Loli umuntu umubibi ivintu vitakumwendelagha akiza, pachifukwa ichakuti atakumuchindika u Chala, sona amasiku agha bumi bwache ghali ngati gho muzyezye.