Masalimo 144:12 - IBAYIBOLO 2024

¹² Po abana bitu abalumendo bakwiza pakuba na maka pabulemendo bwabo ngati makwi ghagho ghakukula akiza nkani Bope abana bitu abalindu bakwiza pakuba ngati zyo mpanda, zizyo zikuyipela inyumba iya bumwene ukuti yibonekaye akiza.

Masalimo 144:12 Iomraidhean Croise

Yobu 42:15

Muchisu chosi ichapasi mutakabamo abana abiza ngati ba Yobu; Uwise akabagabilako ivya pachilingo poka na bayemba babo.

Masalimo 128:3

Umuchi akwiza pakuba ngati lutabo ulwa mampesya lulo lukwela, bope abana bako bakwiza pakuba ngati vimelwa ivya makwi agha misyunguti, ukuzyungulila itebulo lyako.

Nkuto 4:2

Abakolo aba mu Yelusalemu babo bakaba bapamwanya ngati we golide, ilelo bali ngati zyo sonta bulo, zizyo zimatiwe nu mumatasonta.

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.

Ukukumbusya Amalamulo 7:13

U Mwene akwiza pakubaghana nukubasaya amwe umwakuti munyamane nkani nukuba na bana abinji nkani. Amaghunda ghinyu ghakwiza pakusayiwa, umwakuti mukwiza pakuba ni ngano nu vinyo, sona na mafuta agha misyunguti, sona akwiza pakubasaya pakubapa ning'ombe inyinji nkani, ni ng'ozi inyinji nkani muchisu chicho akabalayizya abanyenya binyu.